خرج حسام حبيب عبر ET بالعربي حصرياً ليرد على ادعاءات شيرين الأخيرة له حول الإعتداء عليها وضربها وإصابتها في رأسها.
وفي تصريحاته قال:"الكلام كلو في النيابة وفي شهود، والتحريات كلها هتبان، والله العظيم كل الكلام دا كدب"، وأضاف:"والناس اللي بتقول أنا سرقت.. بالمخ كدا، هي جايبلي 50 الف دولار، وسحبتي أصلا الفلوس دي من أني بنك ولا انتي جايبهم من الشارع عشان ساعتها هيكون في قضية أموال عامة، فانا بسأل سؤال دول جايين من أني بنك، و4 خواتم الألماظ فين فواتيرهم وحجمهم واي تفاصيلهم، دي أسئلة منطقية ومنتظر رد عليهم من المحامي بتاعها في خلال ساعة، مش أكتر من كدا عشان ميعقدش يحضر كلام".
وعن موضوع الضرب قال: "اقسم بجلال الله والله العظيم أنا ما لمستها ، هي ضربة الطفاية في دماغها وفي شهود كانوا واقفين ومعورة رجليها التنين بالمقص، وقالت عشان أوديك في داهية وما تمشيش في الشارع تاني".
ومن أسبوع كانت تقول أنا قلبي بيوجعني لما حد بيشتم فيك، بحس إن أنا السبب ومش عارفة أعمل إيه عشان اكفر عن الذنب دا، ولكنها عملت فيا الأوحش المرة دي"
وبعد أن قامت بتكسير الاستوديو، خرجت من المكان مسرعة ووصلت وجلست في السيارة لكنه بعد ربع ساعة نزل خلفها ، وقال: "نزلت وراها عشان أقولها ما تقعديش في العربية ، اطلعي لفوق واغسلي وشك ومتنزليش كدا".
وفي النهاية قال: "أنا ماعنديش مشكلة مع شيرين، أنا بحبها ، لكن كفاية ظلم" و ياما حذرتها وقلت لها كل حاجة وليها آخر ،الصبر والتحمل والحب ليه آخر، لكنها أخدتني كأمر مسلم بيه، أنا هدوسو وهو هيسكت، لكن المره دي مش هسكت"، وختم تصريحه: "أنا مش زعلان من الناس أنا بزعل بس من اللي بيصر على الشتايم والخوض في الأعراض وأن أنا عايش على قفاها، قسماً بالله العظيم أنا عمري ما أخت منها مليم".
شاهد تقرير سابق: شيرين عبدالوهاب تغرق في المشاكل من جديد
الصور الأولى لـ شيرين عبدالوهاب بعد الحادثة الأخيرة
انتشرت العديد من الصور لشيرين عبدالوهاب بعد حادثة تكسير الاستوديو، وحسب ما تم تداوله أنها تعرضت للضرب مرتين يوم الجمعة ، الأولى كانت سحجات وكدمات متفرقة، وجرح في فروة الرأس، والثانية كم قيل أن أن حسام قام بضربها باليد والقدم وذلك فجر اليوم الذي يليه.
وتواصل ET بالعربي مع المستشار هيثم عباس رئيس محكمة استئناف القاهرة سابقاً والمحامي بالنقض حول عقوبة الضرب، وقال: " بشكل عام حبس أو غرامة، لكن بما يتعلق بمشكلة الفنانة شيرين و حسام حبيب، هنا لازم يكون الأمر خاضع للأوراق والمستندات والأدلة، لازم يتم الرجوع لأقوال المجني عليه نفسو".
وأضاف :"مستحيل يقدر شخص يوقف على حقيقة الأمر غير لما يكون متطلع على كافة المستندات والأوراق ، لكن بصورة عامة عقوبة الضرب الحبس أو الغرامة سواء القاضي بيطمئن للجريمة أو الواقعة التي حصلت، ممكن يكون في حكم بالحبس، وممكن تاخذ لمحكمة الرأفة او ان في أي مبررات مش للتعاطف لكن بتبقى مبررات أن الشخص دوات زي زوج وزوجة ، زي علاقة ما بين أب وابنو، والكلام دا كلو يبقى بتقدير المحكمة والأمر ينتهي يا إما حكم مع الإيقاف، او مجرد غرامة مالية".
