بعد انتشار خبر طلاق كريم محمود عبد العزيز وزوجته آن الرفاعي، وما تبعه من موجة اتهامات طالت دينا الشربيني، خرجت مايا دياب عبر سلسلة من الستوريز على إنستغرام لتدافع عنها بشدة وتنتقد ما وصفته بـ"الرخص" على السوشيال ميديا.
وبأسلوب يحمل الكثير من الغضب والغصّة، أكدت مايا أن ما يجري "موضوع حساس ومؤذي"، مضيفة أن السوشيال ميديا أصبحت مساحة مفتوحة لـ"استباحة كرامات الناس وأخلاقهم".
مايا دياب: “الدفاع عن دينا ما بدّه جرأة.. هي أختي وبقلبي“
عند سؤالها عن جرأتها في الدفاع عن دينا الشربيني، قالت مايا لـ ET بالعربي : "ما بدها جرأة الدفاع عن دينا، هي حدا خلوق، دينا حدا بياخد العقل، دينا بقلبي وأختي، وأنا ما قلتلها إنو بدي إعمل هيدا الشي".
مايا دياب تكشف كواليس دعمها لدينا الشربيني: “كنت ناطرة العالم يروقوا عليها"
تابعت : "هي كانت بالتصوير بالليل واخدولها التليفون وقالولها ليكي مايا شو عملت، وانا ما كنت ناطرة ردة فعل منها، كنت ناطرة ردة فعل كل العالم ليروقوا على دينا، وبعتقد هيدا الموقف ساعدها ودعمها وحسسها إنو عنجد في ناس قريبة وبتحب، لأنو الحب بالفعل ومش بالقول".
وعن محبة الشعب المصري لها والاستقبال الكبير في الجونة قالت : "أنا عندي عشق للشعب المصري وإنتماء للبلد، ما بيتفسّر للناس".
أما عن شائعة المطالبة بعدم دخولها لمصر بسبب تصريحاتها الأخيرة ردت مايا : "الناس بيعملوا لي بدهم ياه، أنا ما غلطت، وأنا بعرف حالي كتير منيح وبعرف إنو الشعب المصري المحترم بيحترم موقفي لي وقفتو حد صديقتي، وأنا بموت فيهم، ما رح قول أكتر من هيك".
في سياق آخر، أحيت مايا دياب فعاليات الحفل الخيري السنوي لمركز سرطان الأطفال في دبي، بمناسبة مرور 23 سنة على تأسيسه لدعم الأطفال المصابين بهذا المرض، وقالت مايا عن مشاركتها : "كل إنسان فينا بيعرف شو يعني مرض، أوقات منتعرض لإنفلوانزا، لشي صغير، بيوقفنا عن حركتنا وعن شغلنا، كيف إذا عم تحكي عن أمراض مزمنة وصعبة العلاج منها، وخاصة للأطفال، بعتقد إنو وقفتنا حدهم واجب".
تابعت : "بتمنى دايماً إنو الناس لي بيقوموا بالتبرع الله يعطيهم على قد ما هني بيفكروا بالآخر لأنو هيدا العطاء منو شغلة بيقدر يعملها كل إنسان، هيدي شغلة بتخلق بالإنسان، اليوم كل الناس المجتمعين ليتبرعوا لمركز سرطان الأطفال بلبنان هني ناس ما فينا نكافيهم، واليوم مشاركتي هي كمان حتى إدعم هيدا الموضوع وهيدا المشروع وحتى نضل واقفين بجانب الولاد يلي بيستاهلوا".
رسالة مايا في دفاعها عن دينا : إتهامات بلا دلائل ورخص إلكتروني
بالعودة إلى بداية القصة، شرحت مايا في الجزء الأول من رسالتها أن الهجوم على دينا الشربيني لم يأتِ فقط من حسابات مجهولة: "مش بس من الذباب الإلكتروني المريض… الأكاونتات الرخيصة اللي مجندين ليحكوا هيك عن دينا، هنّ أكاونتات رخيصة مع أصحابها، وللأسف نحن بزمن الرخص على السوشيال ميديا".
وتابعت برسالة واضحة للناس الذين يتداولون الموضوع من "وجه واحد فقط": "أنتم بتعرفوا ميله واحدة من القصة، ما بتعرفوا الحقيقة… وأنا عم بحكي لأني حاسة إني معنية بالموضوع".
"أنا أخت دينا الشربيني.. وإذا هي ما بتحكي، أنا بحكي"
مايا انتقلت إلى نبرة أكثر شخصية، قائلة: "أنا معنية أول شي كإنسانة عربية، وما بقبل هالأذى لفنانة عربية… وثاني شي كأخت دينا الشربيني، لأنو دينا ما رح تحكي، وأنا رح احكي".
وأكدت استياءها من بعض المنابر الإعلامية التي نقلت الخبر دون التأكد: "المواقع الإخبارية المهمة… عم تنقل الخبر وهي ما بتعرف أساسه ولا أساس الهاشتاغ… أنتم عم تنقلوا بشاعة الأمور وأكثر من اللازم".
مايا دياب ودينا الشربيني و اندماج بالسهرة على أنغام أغنية "خطفوني" لعمر ودياب
دعوة للتعاطف.. ورسالة مباشرة للمتنمّرين
في ختام رسالتها، حمّلت مايا جمهور السوشيال ميديا مسؤولية ما يُكتب: "كل ست… كل رجل… لو حطّيتوا الأمر على نفسكم أو على أختكم أو بنتكم، ما بتقبلوا يصير فيها هيك".
وأضافت دفاعاً قوياً عن دينا: "دينا بنت ما في منها… بقلبها وأخلاقها وجدعنتها… مش بس هي متضايقة، عيلتها والمقربين منها كلهم متضايقين". وختمت بجملة حادّة: "وأنتم ما بتعرفوا الحقيقة… ولا بتستاهلوا تعرفوها… بس بتستاهلوا تسكّروا تمّكم بأمانة".
