على الرغم من التوضيح الذي صدر عنه بخصوص تصريحه الأخير حول رفضه للمشاهد الساخنة، لا تزال حملة الهجوم التي تعرض لها يوسف الشريف مستمرة. وبعض المتابعين عمدوا إلى تناقل فيديوهات من أعمال قديمة له تظهر التناقض في كلامه. و بين مؤيد و معارض ظهرت حملة تضامن كبيرة شملت مجموعة من نجوم مصر بوجه التغريدات المسيئة له.
فهشام ماجد كان له رد طويل وقاس على كل ما يتعرض له زميله وقال: "في بعض الناس سواء شغالين فالمجال الفني او صحفيين او ناس عادية استغلوا الكلام اللي قالوا يوسف الشريف في برنامجه مع رامي رضوان و ابتدوا يهاجموه و قاموا ناشرین حاجات الأفلام قديمة عملها عشان يثبتوا انه كان بيعمل الحاجات دي انه يعني كدة بيدعي الفضيلة کدة ... الفصيلة دي من البني ادمين هما تاني اوسخ حاجة بعد الكورونا "اضاف: " كل الأحترام ليوسف الشريف ... فنان راقي و محترم بيتعب علي شغله و بيحترم جمهوره..و كل الإحترام الأي حد متفق او مختلف مع كلامه بإحترام ... و كل واحد ليه الحرية في افكاره طالما بيحترم اللي حوليه و مبيأذیش حد ... مش عجبك كلامه تقدر ماتتفرجش علي اعماله او تقدر متشغلوش ... انما تطلع تقطع و تشوه فيه بحجة انك المحامي المدافع عن حق الفن و حرية الإبداع تبقي شخص ناقص ... بس كدة ... كلمتين كانوا حزنني ... اتفضلوا استلموني معاه بس " .
محمد أنور إعتبر أن حالة يوسف شبيهة لحالته فهو أيضاً ندم على الكثير من المشاهد قام بها سابقاً لذا كتب: " كميه قله ادب في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني وعلي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها افتكر انك لما بتموت وانت سایب صدقه جاريه بتنفعك في قبرك وتزود حسناتك .. ممكن كمان تعمل عمل يعتبر ذنب جاري وبعد ماتموت يفضل يزود سيئاتك"
ومن بين الفنانين أيضاً الذين دعموا يوسف كانت هنا الزاهد التي كتبت: يوسف الشريف من اكتر الناس المحترمه اللي اشتغلت معاهم "
واللافت كان كمية التفاعل الكبيرة مع هذا الموضوع وهذا ما استغربته ايتن عامر فغردت: بصراحة متضايقتش خالص من انترفيو يوسف الشريف و بصراحة مش فاهمة الدوشة دى كلها ليه انت حر ما لم تضر . بس كدة ، و معتقدتش انه ضر حد بمعتقداته او قناعاته شابوة يا عّم " .
