أزمة جديدة مع محمود العسيلي عندما أبدى برأيه بشأن فيروس كورونا عبر تويتر فكتب: "سيشهد التاريخ اننا نشهد و نمر باكبر عملية خداع في تاريخ البشرية .. حجم التهويل و التخويف غير منطقي و غير مبرر "، ليرد عليه وائل غنيم أحد الناشطين السياسيين في مصر فرد عليه كتابا:"تفتكر يا عسيلي لو انتشر كلامك والناس نزلت بشكل فوضوي وحصل في مصر زي ايطاليا آلاف الجثث وعشرات الآلاف بيواجهوا المرض ومفيش مستشفيات ولا أجهزة تنفس صناعي ولا مقابر. يا ترى هتشوفها برضه اشتغالة؟ عيب اللي زيك يبقى بيكتب كلام أكبر من قدراته على تحمل العواقب. عيب!!".
ورد العسيلي على غنيم من جديد كاتبا: "الفيروس موجود و لكن خطورته و حجم التهويل و التلاعب في الأرقام و عدد و أسباب الوفيات مشكوك في أمره بشكل كبير.. و انت يا وائل سيد العارفين ان الإعلام و السوشيال ميديا ممكن يقنعوا البشر باي حاجة حتى لو كانت مش موجوده .. تحياتي"، ليجدد وائل الرد كاتبا: "صح، بس في نفس الوقت احنا في لحظة حرجة والعالم مشدود الأسلم نمشي كلنا ورا قياداتنا السياسية والطبية ونتحاسب عالأفورة بعد ما نعدي مرحلة إنتا لسه مش عارفين نتعامل بشكل طبيعي مع سرعة انتشار الفايروس. معرفش قصدي واضح ولا لأ. الخلاف هنا مش عن قناعتك يا عسيلي بس عن تأثيرها لو انتشرت"، ولم يكن وائل غنيم المعارض الوحيد على تويتة العسيلي بل واجه الكثير من الهجوم على التويتة.
