قضت محكمة جنح مستأنف الدقي ببراءة أحمد الفيشاوي وإلغاء حكم الحبس في قضية إبنته لينا.
وتواصل ET بالعربي مع سناء لحظي محامية أحمد الفيشاوي التي أكدت الخبر، وقالت "قضت محكمة جنح مستأنف الدقي بجلسة اليوم بإلغاء حكم حبس الفنان أحمد الفيشاوي لمدة سنة والقضاء مجدداً ببراءته في قضية إمتناعه عن تنفيذ حكم النفقة".
وفي أول تعليق له بعد إعلان براءته نشر أحمد الفيشاوي صوراً تجمعه بإبنته لينا، وكتب "النهارده هند الحناوي فشلت أنها تحبسني سنه بمعرفة بنتي لينا .. ده الوقت أني أقولكوا اللي حصل بأختصار .. انا بشوف لينا من و هي عندها ٣ سنين بعد ما المشاكل خلصت بيني و بين مامتها و بالتالي كنت بصرف علي أكلها، شربها ، هدومها و مدرستها الكنديه في مصر ..
هند فهمتها عكس كده بس انا عندي ما يثبت ذلك .. لما لينا تمت ١١ سنه هند أقترحت أننا نوديها مدرسه خاصه في لندن لتدريس الفنون من غناء ، تمثيل ، أخراج .. ألخ"، وأضاف "تحمست جدآ عشان كنت شايف فيها موهبه كبيره .. قدمت في المدرسة و وافقت علي السفر .. و أول ما هند وصلت ب لينا أنجلترا نقلتها من المدرسة و من لندن الي كِنت ( Kent ) لمدرسه مش تخصصها الفنون بمصاريف أقل بكتير و حطت فلوس مدرسة بنتي في جيبها و أيضآ عندي ما يثبت ذلك في الوقت المناسب ... انا مش بالوم علي لينا علشان هي كذبوا عليها كتير و غالبآ هي هتشوف الصور دي و يمكن تفتكر أني كنت موجود عشانها و بحبها و مازلت"
وكان قد صدر حكم سابق من قبل محكمة الأسرة في الجيزة يلزم أحمد الفيشاوى بدفع 23000 جنيه إسترليني أجر مسكن لـ إبنته لينا.
