فاجأ عادل مجدي كامل متابعيه على السوشيال ميديا، من خلال بوست كشف فيه عن الحالة النفسية التي وصل إليها بعد عدة أحداث حصلت معه، آخرها حالته الصحية الغير معروفة الأسباب، "من 3 ايام تعبت جدا فجأه وتعبت تعب مش عادي ومش عارف انا عندي ايه ولا الدكاتره عارفين انا عندي ايه، خت جميع الادويه وخت حقن وبنام كويس وباكل كويس وبعمل كل حاجه وبرضه مفيش اي تحسن".
وأكد عادل تعليقاً على صورة له من أمام الكعبة شاركها عبر حسابه على الإنستغرام، "انا بكتب الكلام ده وانا ايدي بتترعش وفعلا تعبان ومش قادر ومش عارف انا عندي ايه ومش عارف اتكلم مع حد علشان مش عايز اخلي حد يشيل همي، بس انا هكتب الكلام اللي عايز اكتبه ده علشان انا مش عارف اللي جاي ايه ولا هيحصل ايه، انا حياتي بايظه بقالها اربع شهور من يوم ١٥-٦ لحد انهارده ١٥-١٠ ، الاربع شهور دول اوحش اربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني وتعبتني وأثرت علي نفسيتي، أولهم كان اول حب في حياتي عاش لمدة سنه ونص وكان نهايته يوم ١٥-٦ ، بعدها كان وفاة حفناوي صاحبي واخويا يمكن مكناش قريبين من بعض بس مجرد مبنتكلم مع بعض او بنشوف بعض بيبقي اكننا نعرف بعض من الحضانه وكان في ذكريات حلوه اووي لينا مع بعض".
وأضاف عادل "بعدها البيت بتاعنا لما غرق كله و لحد دلوقتي منعرفش غرق ازاي ولا ايه اللي حصل بس الحمد الله علي كل شئ و لحد دلوقتي البيت لسه بايظ"، وتابع "محدش يعرف انت حياتك عامله ازاي ولا ايه اللي بيحصل فيها ولا جواك ايه كله شايفك في صور وفيديوهات مش حقيقيه، المهم ربنا يستر في اللي جاي ويعدي علي خير ان شاء الله علشان المره دي انا بجد حسات بالموت، فلو عدت علي خير حيات الواحد هتتغير تماماً في كل حاجه حته في الصور والفيديوهات، اسف اني طولت عليكوا ، يارب انت الشافي المعافي".
