شاركت نادين بوست جديد عبرت فيه عن إستياءها من الإنتقادات التي تلقتها بعد إعلانها عن مشروع جديد في الطريق، حيث قلّل بعض رواد السوشيال ميديا من موهبتها وربطوا جميع نجاحاتها بالتمثيل مع نجوم سوريين.
وكتبت نادين في منشورها "متل العادة كل ما بيكون عندي عمل جديد بسمع هون وهون نفس الأسطوانة لو ما جماعتنا ولو ما فلان ولو ما السوريين... على أساس أنا اللبنانية الوحيدة يلي اشتغلت مع جماعتكم !"
نادين ردت على التعليقات و برّرت فكرتها عندما قالت أن الكثير غيرها من الممثلين تعاملوا مع نجوم سوريين ولكنهم لم يحصدوا نفس النجاح الذي حقّقته والسبب حسبها يعود إلى طموحها وإصرارها على النجاح. وأكدت "هيدي المهنة بتساع الكل وما بكمّل غير القوي وما بينجح غير الشاطر ".
وتقدمت بعدها بالشكر لكل من آمن بموهبتها ودعمها لتحقيق النجاح وقالت: "لأنه النجاح بده دعم وبده فريق وبده شركة محترمة وبده كمان شريك ناجح بفتخر بكل إنسان اشتغلت معه من أصغرهم لأكبرهم ومن فنيين ومن فنانين"، وأضافت متأسفة "مع الأسف بعد فيه ناس بتفكر انه في حدا بالغصب بيقدر يصنع نجاح حدا إذا ما كان بيستاهل، ولو كانت الحياة بهل السهولة كانت كل الناس نجحت بكافة المجالات !"
وختمت رسالتها قائلة "الفرص بتجي للكل وحده الشاطر الذكي يلي بيقدر يترك بصمة خاصة ونجاح مستمر والحمدالله على كل شيء أتمنى يكون كلامي نقطة تنهي هل جدل المستمر يلي ما اله اي طعمة غير يخلق حساسيات ومشاكل بين الناس ".
