غاب مساء أمس الإعلامي رامي رضوان عن مهرجان القاهرة السينمائي الدولي في دورته ال٤٢ والذي كان من المقرر أن يقدم الحفل على الهواء مباشرة عبر قناة DMC ليقدم أحد زملائه الحفل بحجة أنه مريض دون أن يتم الإفصاح عن نوع المرض.
وكشف رامي عن إصابته بفيروس كورونا فكتب عبر الفيس بوك: "الحمد لله على كل حال الحمد لله حمدا كثيرا تأكدت إصابتي بكورونا وكلها كام يوم ويبقى عندي أجسام مضادة وأمررررررع في الأرض بإذن الله 😂 انا باكتب عشان لو اي حد قابلني الكام يوم اللي فاتوا ياخد باله (لا داعي للقلق. لو ظهر اي اعراض ساعتها اجراء الفحص هيكون ضروري) أنا ملتزم بالتباعد والكمامة..انما لجل الحق مش بنفس قدر الإلتزام والحسوكة وقت الموجة الأولى وماعنديش أي فكرة جالي من مين وازاي ابن اللئيمه ده بقول الكلام ده عشان كلكم تاخدوا بالكم كله يلتزم أكتر من الأول..الأعداد بتزيد (الرسمي وغير الرسمي) والتحذير من شهري ديسمبر ويناير مش من فراغ.
خلوا بالكم من نفسكم وممن حولكم ربنا يسلمكم جميعا من أي شر"، ودعت زوجته دنيا سمير غانم له بالشفاء فكتبت على الانستقرام:" بحبك اوي ربنا يحفظك ويخليك ليا وربنا يحفظنا جميعا".
