في ظلّ الارتفاع المتزايد في أعداد إصابات وفيات كورونا في لبنان، واقرار الحكومة اللبنانية تمديد الاقفال العام لغاية 8 فبراير، سجلت ردود أفعال متابينة للنجوم على "تويتر"، أغلبها كانت حول ضرورة تأمين حل للفقير الذي في حال لم يعمل سيموت من الجوع وليس من كورونا.
وفي هذا الاطار، حذرت مايا دياب من اعادة فتح البلد في عيد العشاق في 14 فبراير وقالت: "اوعى تقرر سيد دياب تقفل ل ٨ فبراير وتفتح على "فالنتاين" هالمرّة مش رح تسلم الجرّة.. بزيادة اللي عملتوا على عيد الميلاد ورأس السنة وعيد ميلاد الطوائف الأرمنية..الناس قَلّوا وتقريباً رح نخلَصْ.. فبعدين رح تضطر تفتح حضانة بدل الوزارات وتربّي أطفال لأنو ما رح يبقى غيرن تحكموه".
من جانبه، وائل كفوري قال في تغريدة له عبر حسابه بـ "تويتر": "لبنان دولِتنا بِ عَكسو سايقَة و الشعب موجوع و معو مش رايقة نُصّو بْ عناية إلٰهية مِحتِمي و نُصّو التاني بالعناية الفايقة".
من جهته، شارك نيكولا معوض بوست على فيس بوك قال فيه: " أوّل ما طلع قرار ال lockdown بسبب كورونا السنة الماضية، كنت بمصر.. و كتير انطلب منّي إنّو صوِّر videos بمصر و بلبنان بطلب فيُن من الناس انّو يقعدوا ببيتُن. بصراحة ما صوَّرت ولا فيديو.. ما قدرت نَظِّر.. حسّيت حالي "مُنافِق" إذا بطلب من ناس إذا قعدت ببيتها يومين تا ما "تموت" من كورونا، كتير معقول تموت من الجوع. بتذكَّر انّي صوَّرت فيديو واحد، ما بطلب فيه من الناس يقعدوا ببيتُن، فيديو عن حملة مُساعدة و هي كانت".
وتابع: "يا ريت ال"مشاهير" يلّي قاعدين يبهدلوا الناس لعدم إلتزامهن، و يصوروا يلّي فاتِح دكّان أو واقف عا عربيّة خُضرا أو سايِق تاكسي، يفهموا انّو هالزلمي إذا نزل اشتغل معقول يموت من كورونا (مع إنّو لهلّق نسبة الموت من كورونا أقل بكتير من كتير أمراض تانية)، بَسّ إذا ما نزل اشتغل، أكيد رح يموت من الجوع. و بصراحة إذا انت هالقدّ ملتزم و ما عم تضهر من بيتَك، ما عم بفهم شو زاعجَك و من شو خايِف".
أما كارمن لبس فقالت: "بين "بلا مخ" و "من وين بعيش؟" فساد زعماء ما بيرحمو، اذا الدولة فاقدة هيبتا، ولا عم تأمن معيشة الفقراء بالإقفال متل غير بلاد، شو ناطرين من الشعب يعمل؟ لو أي شعب دولته مش فارضة القانون كانو عملو متل اللبنانية وكتّرو".
