بعدما شارك محمد رمضان بوست، عبر حسابه الرسمي في إنستقرام، تظهر إصابته، قال فيها "دي اصابتي البسيطة اللي اعلام بلدي تجاهلها تماماً ومنهم عمرو اديب اللي فتح عليا النار بتهمة ليس لي دخل بها وهي إصابة يوسف ابن زميلتي وصديقتي لبنى ونس الف حمد لله على سلامتك يا يوسف وشكراً لكل حبايبي وجمهوري على دعائكم ودعمكم الدائم والحمد لله لم انقطع عن تصوير أعمالي ومفاجات تانية كتير".
رد عمرو أديب عبر برنامجه الحكاية على MBC مصر، حيث قال أنه لم يقم بالهجوم على محمد رمضان أبداً، وأكد أنه على علاقة جيدة به، "النهاردة فوجئت بنمبر وان منزل بوست، واضح من الكلام اللي فيه إنو ماشفش إنو سمع، وللأسف مش محمد رمضان بس إنو ما شافش وسمع، لكن هناك مواقع إخبارية أيضاً كبيرة مش صغيرة، إعتمدوا فيها على بوست رمضان".
وأضاف عمرو أديب، "أنا عايز أقول لـ رمضان حاجة، عندما تكون نمبر وان أو بلاش نمبر وان علشان دي مسألة عليها كلام، عندما تكون فنان كبير يجب أن يكون عندك مسؤولية إجتماعية، إنت بتشتغل في مكان عندك مسؤولية إجتماعية إنت الكبير في المكان ده، إنت تروح للشاب وتسأل عليه انت تكلم امه وتطمن عليه"، وتابع "محدش قال إن انت غلطان، بس لازم تهتم بحرفية الشغل يا محمد، أنا مش عايزك تزعل إننا إهتمينا بالشاب الصغير وما اهتميناش بيك العالم كله مهتم بيك".
وختم عمرو أديب، "معنديش مشكلة معاك الأوهام دي مش موجودة، يا محمد هو معملكش غير إعلام بلدك، ومحدش بيتجاهلك، وأنا لا هاجمتك ولا فتحت النار، محمد ألف واحد يعالجه، بس الغلبان التاني ده، كان نفسي تقول أنا كلمت الولد وخدتو عندي يعني الحاجات بتاعت الكبار دي".
يذكر أن عمرو أديب إستضاف، في إحدى حلقات برنامجه الحكاية، يوسف عمر الذي أصيب خلال تصوير إعلان مع محمد رمضان، حيث كشف تفاصيل ما حصل معه أثناء التصوير.
