بعد إشاعة إصابتها بمرض الزهايمر وانتشارها بشكل كبير خلال الأيام الماضية، علّقت ميادة الحناوي في اتصال مع ET بالعربي على الموضوع قائلة "الحقيقة هما إشاعتين وإشاعات كثيرة وبحب قول أنا الحمدالله، الله مفضل عليّي وعلى راسي، والحمدالله أنا بألف خير ونشكر الله، وأنا لا أعرف هؤلاء الناس المريضين شو بدي قول عنهم".
تابعت "هم مرضى أكيد خبثاء عم يطلعوا إشاعات تضرّ بالبني آدم ولا أعرف ما الذي أقوله لهم وهم تسلطوا يا ريت أنا بس، وكتير مع الفنانين عاملين هيك".
وأضافت ميادة الحناوي "الله يتولاهم وأذية الناس ليست لعبة بين إيديهم، كل شوي بطلعوا كورونا وشوي زهايمر يا لطيف، أستغفر الله العظيم الواحد شو بدو يقول الله يثبت علينا العقل والدين".
ولفتت ميادة الحناوي خلال حديثها لـ ET بالعربي إلى أن هؤلاء أشخاص حاقدين وقالت "هدول أكيد ناس حاقدين مغرضين شغلتهم هيك إنو يطلعوا إشاعات عالناس والناس مثلا ما بحبو هالفنان أو الفنانة"، مشيرة إلى أن "المشكلة وراء انتشار مثل هذه الشائعات تكمن في مواقع التواصل الاجتماعي في الحقيقة والتي هي نفسها لا تحبها".
وأوضحت ميادة الحناوي أنها بخير وقالت "الحمدالله أنا بأتم الصحة والعافية ، وأنا مريت بفترة 4 سنين توفت أختي الصغيرة فاتن وأنا مالي غيرها، وأخي كان مريض وخضع لعملية القلب المفتوح وكان عندو غسل كلى، وهذا هو سبب غيابي الحقيقة وكورونا ".
وتابعت "مثل ما بتعرفوا الكورونا روحت ناس كتير وأنا اعتكفت في البيت بقالي سنة ما طلعت من بيتي، والحمدالله كلو تمام ونشكر الله وانشالله لدينا حفلات حلوة وأغاني حلوة وبتشكركم وبتشكر كل الناس التي سألت عني بقلهم أنا بحبكم كتير وبقدركم كتير وبحترمكم كتير كتير".
