كشفت ليلى عبدالله من خلال بوست عبر حسابها الرسمي في إنستغرام، يتضمن مجموعة من الصور من أحد عيادات التجميل، عن قصتها مع الفيلر في شفتيها، حيث قامت بسحبهم ومعالجة شفتيها.
وعلقت ليلى على البوست "طبعاً كلكم عارفين شكثر عانيت من الفيلر الدائم اللي بشفايفي ومن التنمر اللي صار علي بالاونه الاخيره، المهم بقولكم تجربتي على السريع انا شفايفي كانو صغاااار حيل و بعمر ال 16 تقريباً رحت من ورا امي وسويتهم هذا اللي يسوي شي من ورا امه، المهم رحت لعيادة تجميل كانت حلوه ومرتبه والمشكله انه زحمه وماكو مواعيد المهم قلت لهم انه بسوي شفايفي بس اللي فوق كانت هبه وقتها وسألتها شنو الماده قالتلي انه احماض فواكه و٦ اشهر ويروح سويتهم وعجبوني وطلعت مرت سنه سنتين قلت مو طبيعي ليش ما خف او راح بلش يزيد وينتفخ مع الوقت ويتكتل وشفايفي تكبر بالشتا وتنتفخ بلشت اخاف وااايد رحت سويت اشعه و قالولي انه فيلر دائم و ما راح ينشال الا بعمليه".
وأضافت ليلى عبدالله "وقتها خفت اسوي قلت ما ابي يخترب شي وما كنت واثقه بأحد الصراحه حاولت اذوبهم كذا مره رحت مليون عياده مليون طريقه الكل كان يقولي اي وبيروح ونذوبه وكنت احس قاعد يسوء الوضع زياده اخيراً شفت اكاونت الدكتور فراس حمدان وشفت انه شال حق مشاهير وايد وشفت شفايفهم ووجهم بعد العمليه وكان حلو وطبيعي ومافي اي اثر تحمست سويتها والصراحه النتيجه خيييييال مع انه وارمين للحين بس حابتهم وحبيت الدكتور فراس من كثر ما اهوا حنون وكان خايف علي بالعمليه وحريص على الشكل والتفاصيل نصيحتي لأي بنت فكري وسألي عدل عن اي ماده بتحقنينها ومن حقج انج تاخذين العلبه والاسم وتتأكدين وللبنات اللي راحو لنفس دكتورتي ادري انه وايد لا تترددون شيلوه بسرعه ولأي بنت حاقنه بوجهها بجسمها مالج الا دكتور فراس ترا وطبعاً راما مديرة العياده ما قصرت معاي ابداً ابداً حتى الناس اللي اييون من طرفي وما اعرفهم تهتم فيهم اكثر مني بحبك راما و ميرسي كتير".
