رسالة مؤثرة وجهها حسن الرداد لإيمي سمير غانم كدعم منه بعد الأزمة التي عاشتها بداية من معاناة والديها من مضاعفات فيروس كورونا والتي أدت إلى وفاة والدها سمير غانم ومن بعده والدتها دلال عبد العزيز.
حسن الرداد شارك مجموعة من الصور عبر السوشيال ميديا وكتب "مافيش أصعب من فقدان أعز الناس لأى حد، و فقدان الأب و الأم مرة واحدة أصعب صدمة ممكن الواحد يتعرض لها فى حياته ، بس لازم يصبرك عشق الجمهور لوالدك النجم الكبير اللى عشقته ملايين الناس فى الوطن العربى كله و والدتك الفاضلة اللى أعمالها فى الخير و مساعدتها لكل محتاج يشهد عليها كل الناس."
وتابع "إن شاء الله يا حبيبتى ربنا يصبرك و ترجع ضحكتك الحلوة تانى تنور الدنيا و ترجعى لشغلك و جمهورك الكبير المحترم يا احلى زوجة و أجمد كوميديانة فى مصر كلها ❤️❤️".
ودعم إيمي عدد من الفنانين فكتبت شيماء سيف: "اللهم امين يارب يسعد قلبكم يارب ❤️❤️❤️❤️❤️❤️"، وكتبت كندة علوش: "يااارب يقويها ويصبرها حبيبتي ايمي ويخليك ليها وجنبها على طول 🙏🏻🙏🏻❤️❤️"، وكتبت بسمة: "ربنا يخليكم لبعض ويجعلكم سَنَد وظهر لبعض العمر كله ❤️"، وكتبت لطيفة: "ايوه يا ايمى يا حبيبة قلبى مالناش غير الدعاء والصلاه على ارواحهم ربنا يقويكى وترجعى لجمهورك الى بيحبك وبيحبهم وانا منهم 🙏🙏🙏🙏🙏🙏😘😘😘😘"ودعم أيضا كل من دينا فؤاد، شيكو، درة، عائشة بن أحمد، رنا سماحة، ليلى أحمد زاهر وغيرهم.
