تستمر تداعيات قضية طلاق مصطفى فهمي من فاتن موسى بتصدر العنوانين في الصحافة العربية وعلى السوشيال ميديا، وفي آخر المستجدات شاركت فاتن موسى من خلال حسابها الرسمي في إنستغرام، عنواين إخبارية تتحدث عن إحتجازها من قبل حسين فهمي في الشقة الزوجية بإستخدام "البلطجية" وحراس الأمن على حد تعبيرها.
ET بالعربي تواصل مع المحامية إيناس فوزي وكيلة فاتن موسى، للوقوف عند حقيقة ما حصل معها، حيث قالت "إحنا في نيابة الدقي دلوقتي منحرر محضر بلطجة وإستعراض قوة وسيطرة علشان كانوا حابسين مدام فاتن في شقة الزوجية من بعد عصر يوم الأربعاء لغاية لما هي عملت إستغاثة للنيابة على النت برسالة، وادولها رقم فحص تحقيق واستنت ان حد يجلها"،
وأضافت محامية فاتن موسى، لـ ET بالعربي "فاتن إنهارت وكانو مانعين عنها اي حاجة فاضطرت على الساعة 10 بالليل يوم الخميس قلتلها اتصلي بالنجدة وأنا جيالك على أساس كل الناس بقت خايفة إنها تجيلها حتى الحارس اللي كان بيحرسها خاف، وكانوا بيقولولها وقتك انتهى ومصطفى بيه الباشا بتاعنا يقدر يجي في اي وقت انشالله يجي الفجر ده بيته وحر يعمل اللي هو عايزه، فعليها اتصلنا بالنجدة والنجدة جت وعاينت ولقت الراجل موجود قدام باب الشقة لزق والبواب هو اللي بيحميه والأدوات اللي بيستعملوها عصايا وسكينة بيخبوها في اوضة البواب وبيقولولها وقتك خلص".
وختمت إيناس فوزي، "البواب والبلطجي اتحبسوا واحنا بالنيابة علشان نبتدي تحقيق قضائي وربنا هيجيب حقها علشان هما بيتعرضولها في كل حاجة وبشرفها وبهددوها بصور ومش عارفة إيه".
وشاركت فاتن موسى منذ ساعات بوست عبر الإنستغرام، أكدت من خلاله أنها لا تستطيع تغير إسمها على حسابها على الإنستغرام لأنه موثق وهي تتواصل مع الشركة لتغيره من فاتن موسى فهمي لـ فاتن موسى، وقالت "رداً على بيان طليقي الأخير منذ قليل، مصطفى فهمي مطلوب في جلسة تحقيق يوم الأحد الموافق 5 ديسمبر في واقعة إحتباسي بإستعمال أفراد لا أعرفها وإستعمال حارسي العقار في تخويفي وترويعي. وأكتفي بهذا القدر".
