عرضت اسعاد يونس مساء أمس الأثنين حلقة الصلح بين بهاء سلطان ونصر محروس بعد سنوات من الخلافات، وقال نصر لبهاء في أول اللقاء: "حبيبي وروح قلبي وصاحبي وعشرة سنين وقت كبير وشقى وأيام ليها ذكريات وكل ده كان لازم نقف عنده ونقول أن مفيش حاجة بنا وأن ده هيبقى أهم من أي مشاكل هتبقى موجودة أقوى من أي ماديات وأنت حبيبي".
ورد بهاء سلطان على نصر قائلا: "كفاية رأي حضرتك بحكم العشرة أنت مش محتاج مني أي حاجة غير أنك بتحكم الود والعشرة فبتقول رأيك بكل ومفيهوش 1% مجاملة وعلى راسي بعيد عن أي مشاكل"، ليرد نصر عليه قائلاً: "أنا وقفت قدام العشرة ومينفعش أكون أنا اللي بنيت وبهد عمري ما هخون ده وأنا أتعلمت من الأزمة".
وبالتزامن مع عرض الحلقة التي غنى بها بهاء سلطان عدد من أغانيه الجديدة والتي تعتبر آخر أغاني بين نصر وبهاء، قام نصر محروس بطرح الأعمال الجديدة على اليوتيوب ومنها كليب أغنية "تعالى أدلعك" والتي يظهر بها بهاء مع نصر بصحبة عزيز الشافعي كاتب وملحن الأغنية، كما طرح أيضا أغنية " عاملين الصح" من كلمات نصر محروس وألحان محمد يحيي والأغنية الأخيرة التي طرحها نصر محروس هي "ليالي طويلة" من كلماته وألحان عزيز الشافعي.
