كشفت منال سلامة عن خضوع ابنها علي لعملية جراحية وطلبت من المتابعين أن يكثروا من الدعاء له.
وشاركت منال صورة لابنها وهو على سرير المرض في المستشفى لحظة خروجه من العملية على صفحتها على انستغرام، وعلقت عليها "ده ابني علي لسه خارج من العمليات، الحمدلله ادعوله ربنا يتمم شفاه على خير".
وتابعت "أنا عمري ما نشرت أي خبر وحش عني أو عن أسرتي، دائماً بنحط الصورة الحلوة فقط. أنا بقول الكلام ده عشان الناس فاكرة الحياة بمبي طول الوقت وده مش حقيقي".
وأوضحت "يعني أنا دلوقتي في المستشفى مع ابني لوحدي عشان جوزي بيصور مسلسل "نقل عام" اللي بيتعرض على الهواء، شغلتنا مفيهاش رحمة ودي مش أول مرة أتعرض للموقف ده علشان احنا بنشتغل شغلانة بدون قلب والناس فاكرة ان حياتنا من غير متاعب الحمدالله"، وختمت رسالتها قائلةً "ربنا يتم شفاه على خير".
وتفاعل عدد من الفنانين مع منال سلامة، وعلقت داليا مصطفى وكتبت: "حبيبي ألف سلامة". وتمنت غادة عادل الشفاء لعلي وكتبت: "ربنا يشفيه ويقومه بألف سلامة حبيبتي ويحفظهولك".
وكتبت رنا سماحة "ربنا يشفيه ويعافيه يا رب".
وعلق المتابعون على بوست منال سلامة، وكتب أحد المستخدمين "ربنا يشفيه ويعافيه بإذن الله.. ونزود على كلام حضرتك في ناس في نفس الظروف ومش معاها تعالج أولادها، الحمدالله على كل حال".
وتمنى آخر الشفاء لابنها، وكتب "ربنا يقومه بالسلامة اللهم أمين يا رب العالمين".
