بوست مطول شاركته ريهام سعيد عبر فيسبوك توجهت من خلاله إلى كل من حاول الإفتراء عليها سواء تعلّق الأمر بعملها أو بعائلتها وكل من قام بإصدار فكرة غلط عنها وعن شخصيتها.
"حسبي الله و نعم الوكيل في كل مفتري"
وكتبت "حسبي الله و نعم الوكيل في كل مفتري و في كل افاق ساهم انه يقضي على مجهود سنين طويلة.. حسبي الله ونعم الوكيل في كل واحد ساهم انه يصدر فكرة غلط عني و عن شخصيتي .
حسبي الله و نعم الوكيل في كل واحد جاب سيرتي عشان يشدني لمشكلة و اطلع في الآخر بتاعت مشاكل لما يكون ليه رد فعل . . حسبي الله و نعم الوكيل في كل واحد وقفت جنبه و اتخلى عني في وقت الشدة و عارفاهم بالاسم و مش هانسى" .
"أوعوا تستهونوا بحسبي الله و نعم الوكيل"
حسبي الله و نعم الوكيل في كل واحد مايعرفنيش و قال كلمة وحشه عني . حسبي الله ونعم الوكيل في كل صحفي كتب خبر في عز أزمتي عشان يقضي على شغلي و اسمي أنا 22 سنة ما قرأت كلمة كويسة مع اني حققت نجاح غير مسبوق . حسبي الله و نعم الوكيل في كل واحد كتب بوست شتيمة عن جهل لما سمع و ماشافش المهم أن كل دول فاهمين انهم انتصروا غلطانين".
تابعت " أنا صحيح اعتزلت لكن انتوا كل يوم بتعرفوني اد أيه أنا ناجحة و مهمة و شاطرة . عرفتوني قيمة الحياة و هي العيلة و الأولاد وطاعة الله لكن أوعوا تستهونوا بحسبي الله و نعم الوكيل و الله الحق راجع.
أضافت "أما الي رماني في السجن ظلم ده حسابه عند ربنا عسير أنا سبت ابني عنده شهر من غير رضاعة من غير ما أعمل أي حاجة، أنا عملت كتير بس مكنتش مستنية شكرا بس مكنتش مستنية برضوا افتري و اذي كده ".
وأشارت ريهام إلى أنها كتبت هذا الكلام كونها تعبت من الافتراء الذي يلاحقها "كتبت الكلام ده لأني تعبت من الافترى الي في كل حته و المصلحنجيه و الناس الي كسبت من ورايا ملايين ورموني في الآخر و خربوا بيتي و سرقوا صفحتي الي عليها 15 مليون" .
"بتحارب في التمثيل معرفش ليه و من مين"
تابعت "أنا بتحارب بقالي 6 سنين و لسه بتحارب بشدة في كل حتة حتى في التمثيل معرفش ليه و من مين.. كل مرة يموتوني فيها كنت بقوم عشان أولادي عشان تعبي و عشان الحق يا رب يا رب يا رب اشوف حقي راجع من كل الي ظلمني قبل ما اموت، برنامجي كان السابع على العالم، كل تهمتي اني نجحت أنا آسفة".
