مجددًا ، تعود الخلافات على الأسماء في تترات مسلسلات رمضان هذه السنة . فاليوم كتبت نور الكاديكي عبر حسابها على إنستقرام أن ريهام حجاج تعمدت أن تحذف اسمها من تتر مسلسل "يو تيرن" معلّقة: "انا جاية النهاردة اتكلم عن الظلم اللي بيحصل في الوسط الفني والقرف اللي بقينا فيه بقيت كل حاجة ماشية بالكوسة لدرجة اني اتظلم ويتشال اسمي من المسلسل طب ليه؟ وعملت ايه علشان يحصل كده؟".
وتابعت حديثها: "ليه الواحد مياخودش حقه ايه المرض اللي بقى في الناس ده بجد انا مش مصدقة ومصدومة حلاص بقيت اى واحدة بطلة تطلع بفلوسها تفتري وتظلم الناس وتمسح أساميهم وتتحكم في كل حاجة كل ده ليه وعلشان ايه انا مش هسكت وهتكلم كمان بدال الناس اللي خايفة تتكلم وتقول انها اتظلمت انا بطالب بحقي واظن الناس كلها عارفة الممثل بيتعب ازاى وبيقعد يصور بالساعات وبيعمل اللي عليه واكتر علشان في الآر يلاقي نتيجة مش يلاقي أسمه ممسوح من المسلسل لا أنا بطالب بحقي وبحق المجهود اللي عملته وعايزاكم تحسوا بيا وبالظلم".
سامح عبد العزيز مخرج العمل رد بدوره على نور الكاديكي وقال في بيان له: "كل ممثلى العمل وكل طاقمه تم وضع أسماءهم في تتر النهاية، وذلك نظرا لمحدودية الوقت بتتر البداية لأنه محكوم لوقت للإنية التي تغنيها نانسي عجرم في مقدمة المسلسل وقال سامح عبد العزيز أنه هو المخرج وقائد العمل والمسؤول عنه بكل تفاصيله والمسؤول عن التترات.
وبعد بيان التوضيح من قبل سامح عبد العزيز، قامت نور الكاديكي بحذف البوست وقامت بنشر إعتذار لريهام حجاج وكتبت: "أعوذ بالله من الشيطان الرجيم أنا بجد باعتذر للإنسانة الجميلة ريهام حجاج وأنه فعلا هي ملهاش دعوة بأى حاجة وأنا كلمتها وبتمنى تقبل إعتذاري وأنه الناس اللي وصلتني كده حسبى الله ونعم الوكيل فيهم وإعتذاري لزوجك الكريم يا ريهام يا جميلة بمعنى الكلمة".
