احتفل الرئيس المصري عبدالفتاح السيسي في أول أيام عيد الفطر مع أسر وأبناء الشهداء حيث قام بتكريمهم خلال الإحتفالية التي تضمنت العديد من الفقرات الفنية المختلفة. فقدمت فرقة أيامنا الحلوة أغنية "يا ليلة العيد"، كما قدم كل من أشرف عبدالباقي وكريم محمود عبدالعزيز وإسماعيل فرغلي وهنادي مهنا وشيري عادل، سكتش تحدث عن الشهداء.
كما صعد إلى المسرح من بعدها أبطال مسلسلي "الإختيار 3" و "العائدون" فحضر كل من ياسر جلال، أحمد عز، كريم عبد العزيز، عصام السقا، بيتر ميمي، هاني سرحان، هيدي كرم، صبري فواز، عصام السقا عن مسلسل "الإختيار 3"، كما حضر أمير كرارة وهاني رمزي وباهر دويدار عن مسلسل "العائدون".
ووجه الرئيس السيسي كلمة لأبطال المسلسلات ووجه لهم الشكر وقال: "اللي أنتم عملتوه كان جزء كبير منه هو لصالح الأبطال والشهداء اللي ضحوا علشان خاطر مصر تعيش أنا عاوز أقولكم على حاجة تاني ليكم ولكل الناس اللي بتسمعني إحنا قولنا إن التاريخ منسبهوش لحد والله والله والله إحنا كنا حريصين أنه لا يسقط ولا يحصل تصادم واللي أنتم عملتوه وسجلتوه وطلعتوه للناس دي الحقيقة".
وأضاف الرئيس السيسي: "أوعوا تفتكروا ان ولادكم أبهاتكم أزواجكم سقطوا في معركة طغيان لا إحنا مطغيناش إحنا لم نعتدي إحنا حاولنا وكل كلمة إتقالت كانت عبارة عن واقع نقلتوه للناس كلها علشان الأولاد الصغيرة دول لما يكبروا ويطلعوا يقولوا إحنا أولاد الشهداء احنا أبناء الأبطال اللي حافظوا على البلد دي فمحدش يزيف ويشوه تاريخهم ويضيع قيمة اللي هما عملوه شفتوا أد ايه عمل درامي بألف كتاب وألف ساعة".
كما وجه الرئيس السيسي رسالة لأبطال المسلسلات وقال: "لسه الدور مخلصش، دوركم كدراما كمسلسلات في بناء وعي حقيقي للبلد دي على كتفاكم وعلى عقولكم وأنا أتصور أن المسلسلات دي كانت كاشفة لذوق وعقل المصريين كل الناس ولم يختلف اتنين".
وقال كريم عبد العزيز نيابة عن زملائه: "سيادة الرئيس احنا كلنا بنشكر سيادتك نيابة عن زمايلي أنا بقول الحمد لله أن ربنا قدرنا كفنانين إن قدرنا نقدم ولو 1% سيادتك من اللي قدموه العظماء وأن النهاردة نقدر نبقى عايشين في بلد آمنة وقادرين نبقى واقفين قدام سيادتك وكلام سيادتك لينا أعلى وسام إحنا خدنا كلنا النهاردة.
