كشف أحمد حلمي خلال لقائه مع برنامح "ذا إنسايدر بالعربي" الذي يعرض عبر قناة دبي، أنه كان ينوي أن يجمع الراحلين عمر شريف وفاتن حمامة في فيلم واحد قبل سنوات.
وقال حلمي، عن سبب تغيير فكرة تنفيد فيلم "عسل أسود"، "هو كان الفيلم إن البطل الأساسي لشاب عايش في مصر، وفي دور لشخص كبير في السن بيجي من أمريكا وبيقابل هذا الشخص اللي عايش في مصر، وبيتبادلوا وجهات النظر، وكان التوجه إن دور الشخص اللي بيجي من أمريكا هو عمر الشريف ده كان تفكير وما أفتكرش إننا بعتنالوا".
وأضاف أحمد حلمي، "كنت عايز اجمع السيدة فاتن حمامة وعمر الشريف في فيلم، ورحت قابلت فاتن حمامة الله يرحمها وإتكلمنا على القصة وكان كاتب المعالجة هو خالد دياب، مؤلف عسل أسود برضه لكن ما لحقناش وتم تغير فكرة الفيلم وإتعدل عليه".
