بعد فترة من الغياب عادت زينة إلى التمثيل من خلال مسلسل "الليلة واللي فيها" المكون من 6 حلقات، لعبت فيه دور البطولة.
وأعلنت خلال لقائها مع عمرو أديب عبر قناة MBC مصر، أن هذا العمل شكل لها حالة من الأمل من بعد الأزمات التي مرت بها في السابق لأن استمرارها في عالم التمثيل كان متوقف على نجاحه، وقالت"أنا سعيدة جداً بالمسلسل وكنت حاسة إنو في سكاكين محطوطة على رقبتي بالعمل ده، يا إما أندبح بيها يا إما ربنا ينقذني من الشر اللي حواليا وينصرني، والحمد لله ربنا مافرحش حد فيا"،
وتابعت زينة: "لما جالي المسلسل مسكت فيه بإيدي وسناني، لإنه كان طوق نجاة.. يا إما أكمل في التمثيل يا إما أشوف شغلانة تانية، ومكانش في حاجة تقدر تنقذني غير إنه يكسر الدنيا".
وأوضحت زينة سبب ابتعادها خلال السنوات الماضية عن التمثيل، وأرجعت ذلك لقيام أحد الأشخاص بالتدخل ومنعها من التمثيل بطريقة غير مباشرة دون الكشف عن هويته، وقالت: "أنا قعدت 5 سنين.. في حد قافل علي الشغل بمكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل.. طيب أربيهم إزاي؟ أنا مش فاتحة فرن في البيت"، وأضافت "ممكن يمنعوا حد يشتغل بإنهم يتكاثروا عليه وبطريقة غير مباشرة من غير كلام، في ناس مؤذية".
وكشفت أنها انسحبت من بعض المسلسلات لتتجنب المشاكل بعد الشائعات التي كانت تلاحقها حول التأخر عن التصوير، وقالت: "من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لأني مش عايزة دوشة، وعايزة أعيش في سلام وأعمل شغلي كويس وأنجح".
يذكر أن "الليلة واللي فيها" يشارك في بطولته محمد شاهين، ومطرب الراب أبي يوسف، سماح أنور، علاء مرسي، آلاء سنان، بكري خالد ومن تأليف محمد رجاء، إخراج هاني خليفة ويعرض على منصة Shahid VIP.
