مشاعر متنوعة وذكريات كثيرة، تحدثت عنها أنغام خلال لقائها ليلة أمس الثلاثاء 29 آب - أغسطس 2023، مع أنس بوخش، ضمن برنامج AB TALKS على اليوتيوب.
استمرت الحلقة ساعتين وربع من الوقت، تحدثت فيها أنغام عن مراحل حياتها المتنوعة، من طفولتها وعلاقتها بوالدها وعائلتها، إلى زواجها وطلاقها، وصولاً إلى نجاحها وحبها للموسيقى.
ولكن أكثر ما لفت انتباه المتابعين على السوشيال ميديا ومحبي أنغام، هو حديثها عن طفولتها وبداية تعلمها الموسيقى، إضافةً إلى علاقتها بـ والدها، وقالت: "اتعلمت الموسيقى وأنا عمري ست سنوات، وطريقة تعليمي كانت قاسية، وكنت بلعب بيانو وأنا صوابعي متكسرة من البرد وساعات نومي قليلة، ولكنه كان مسؤولية كبيرة".
ووصفت أنغام نفسها بـ المحظوظة، ولكن تابعت بعدها قائلةً: "البيت مكنش أسعد حاجة مكناش الأسرة السعيدة، وكانوا بيتعاملوا معايا على إني كائن فاهم وكنت بشيل حاجات ومكنتش عايزة اشيلها، وجزء من المعاناة، وأمي كانت طفلة من جواها وعلى الحياة اللي كانت فيها، وأنا طفلة مكنتش عايزه استوعبها، أب وأم مش سعداء مع بعض، والأم أكتر مكنتش سعيدة كانت مقهورة ومش محبوبة كفاية من الراجل، وده بينعكس على الطفل اللي في البيت".
وعن علاقتها بـ والدها، أكدت أنغام أن السبب هو تعدد المشكلات مع والدتها والتي تطورت إلى حد الضرب، وقالت: "أنا كنت بحب أبويا جداً ومتعلقة بيه لغاية اللحظة دي.. شفته وهو بيضرب أمي.. وبعدها جه يسلم عليا قلت له لأ، زعلت جدًا علشان أمي واتاخدت منه وشوفته شخص تاني"، وبينت أنه أصعب موقف مر عليها في طفولتها".
وبينت أنغام أن أصعب لحظة على الإطلاق مرت بها، كانت وفاة أختها غنوة، رغم أن علاقتهما كانت مش كويسة، "عمري ما كنت سبب إن غنوة تزعل مني أو يكون بيننا مشكلة.. هي معرفتش تعذرني وقسوا قلبها".
بعدها تطرق الحديث إلى زواجها وطلاقها، وبينت أنغام أن سر فشل زيجاتها هو إعطائهم قيمة أكبر من حجمهم، وهنا شرحت كلامها، "مريت بفترة نسيت قيمتي وكم أنا مهمة في الدنيا، أحيانًا مقاومتي بتضعف من كتر ما بقاوم وبحاول طول الوقت أعافر ومش عايزة اتهد لكن اوقات الواحد مننا بيبقى عايز يسيب نفسه يتهد ويستسلم لشعور الإجهاد".
كما بينت أن الفتاة يجب أن تشبع حب من والدها حتى لا تكون ضعيفة أمام أي شخص، وحتى لا تبحث عن الأب في شخص غير والدها.
وتابعت كلامها، "أنا اتجوزت أكتر من مرة، وأي جوازة اتجوزتها ما كنتش غير أنغام وعملت اللي أقدر عليه، ومش هقول أنا اللي غلطانة لكن هما ادعوا شخصيات غير اللي انتهينا بيها، وده كان سبب فشل الزواج وطلاقي".
وتحدثت أنغام عن علاقتها بالموسيقى وحبها الكبير له، "الموسيقى هي حياتي وهي طريقة التعبير.. وبحب الشهرة في النجاح، ومش بحبها في أشياء أخرى وتعامل الناس معاها".
وكشفت خلال الحلقة أيضاً، أنها أصيبت بالاكتئاب، "مش بحب أشوف نفسي ضعيفة أو مهدودة ومش بعرف ابين ده، ومريت بحالات اكتئاب كتير وعشت سنين طويلة مكتئبة وقعدت سنين أخد أدوية، وكنت منفتحه عاطفيا وده كان غلط في تجربتي".
