بعد الانتقادات التي تعرض لها شريف منير في عزاء في والدة دينا الشربيني على خلفية فيديو انتشر وهو يقول "هووش " بعد سؤال سريع من إحدى الصحافيات، قائلًا "انتي فاكرة نفسك صحافية ولا إيه؟"
خرج شريف منير بفيديو اعتذار عبر السوشيال ميديا يعترف فيه عن أن رده فعله على الصحفية كانت غير ملائمة حيث أكد أنه شعر بالاستياء من نفسه بعد مشاهدة الفيديو ، خاصة مع حركة "شششش" وقوله "انتي فاكرة نفسك صحافية ولا إيه".
كما قوبلت هذه الخطوة بردود فعل إيجابية من الجمهور كونه احترم الجمهور والصحفية بهذا الاعتذار حيث جاءت أغلبية ردود الفعل "انت إنسان محترم.. وكل الناس بتحبك".
شريف منير يعتذر
وقال "لقيت أن اللي عملته ده عيب أوي لأني قلت لها " هووووش"، وقلت ألم الموضوع، فقولت لها انتي فاكرة نفسك صحفية ولا ايه؟ لقيت نفسي بغلط أكتر وأنا متضايق من اللي حصل ولقيت الفيديو نزل على اليويتوب ولما شوفته اتضايقت من نفسي، والناس علقت قالت أني قليل الذوق واني مكانش المفروض أعمل كده و إيه الغرور ده، فعلًا انا استاهل كل الكومنتات دي لأني غلط وكان لازم اخد جزائي".
وتابع يعتذر قائلًا : "أنا بعتذر عن الطريقة اللي اتكلمت بيها ورد الفعل اللي اتكلمت بيه للانسه الصحفية والشباب الصحفيين اللي كانوا موجودين .. وبعتذر لجمهوري اللي علق وهو زعلان مني أرجوكم متزعلوش حقوكم عليا أنا فعلًا كنت غلطان وفعلًا كنت قليل الذوق واستاهل النقد اللاذع ده وأنا أبويا علمني لما أغلط أقول أنا اسف".
