أحمد عيد و محمد أنور كانوا ضحايا اليوم من برنامج رامز جاب من الآخر في الحلقة 13 وفيها علّق رامز في بداية الحلقة عن إنتماء كل واحد منهم لنوع مختلف من الكوميديا.
محمد أنور كان سعيد بردود الفعل حول الحلقة وعلّق :"الحمدلله ان الحلقة عدت علي خير وعجبت الناس، ومبسوط اني كنت مع النجم الكبير اللي بحبه من صغري أحمد عيد، وتضايقت جدا اني اول مرة اقابله في موقف زي دا، وهو اللي هون عليا الحلقة والله، لانها كانت صعبة جدا عليا لاني بخاف جدا، وايدي اتفتحت من الكوبري لما اتكسر، ولكن الحمدلله انها عدت على كدا باقل خساير، ومبسوط جدا جدا بردود أفعال الناس، الحمدلله رب العالمين".
وبالعودة للحلقة، رامز وفي مقدمته الكوميدية، قال: "الضحك أنواع يا جماعة في ضحك بلا هدف ولا مغزى المهم الإفيه، و في ضحك عميق فلسفي بيحاول يقدم رسالة، معانا اتنين بيمثلوا المدرستين دول، فنان أرعن بيقول اللي بيجي على دماغه.. الإفيه بالنسبة له.. أهم من عياله.. شعاره في الكوميديا إهري و زي ما يكون..مش مهم المضمون.. والتاني عامل فيها عميق صاحب مبادئ و نظريات..قبل ما يقول الإفيه بيعمل أبحاث و نظريات"
اما الجمهور وردود فعله على الحلقة أثناء عرضها ، كان قد كتب احدهم عبر منصة “X” "خضة محمد انور ملهاش حل .. فصلت من الضحك.. شكله هيتخض كتير النهاردة" ، "محمد انور لو هيضرب بالنار مش هيصوت كدا" فيما قال آخر "أحمد عيد طالع بدور بطولة في الحشاشين، طالع مع رامز، ولسه عنده فيلم أهل الكهف في العيد، ولو نزلي من الحنفية مش هزعل والله. اللي يستحق الظهور والانتشار نقوله انت تستحق عادي"
قصة برنامج رامز جاب من الآخر
وتدور قصة برنامج المقالب "رامز جاب من الآخر" حول استضافة عدد من الفنانين الذي يوجد بينهما مجموعة من المشاكل، ويعد ذلك بهدف الصلح بينهما، منهم مصطفى شوبير ومحمد أبو جبل ، أحمد السقا وباسم سمرة، حسن شاكوش وطليقته ريم طارق وغيرهم من الفنانين
مواعيد عرض برنامج رامز جاب من الآخر
ويعرض برنامج رامز جاب من الآخر يومياً في رمضان 2024، بعد آذان المغرب في تمام الساعة 6:01 مساءً، عبر قناة MBC مصر، ومنصة شاهد.
