يُواصل مسلسل "مفترق طرق" تصدّره الـTop 5 في أكثر من بلد عربي، كما تصدر المرتبة الأولى ضمن نسب المشاهدة في مصر والمملكة المتحدة بينما حل في المركز الثاني في الإمارات والثالث في السعودية ، مع تفاعل كبير من الجمهور ورواد التواصل الإجتماعي حول قضايا العمل الهامة والمثيرة للجدل.
وائل حمدي وشريف بدرالدين يردّون على تفاعل الجمهور مع حلقات مفترق طرق
وردّ مؤلّفوا مسلسل "مفترق طرق"، وائل حمدي وشريف بدرالدين، حصرياً عبر ET بالعربي، على تفاعل الجمهور مع الحلقات الأخيرة، بالتحديد على قضية الراقصة التي رفعت قضية اغتصاب على شخصية مُهمة.
وائل قال في تسجيل صوتي لـ ET بالعربي : "كان عندنا ريفيرينس من المسلسل من نوع القضايا لي بيطرحوها، بس كنا نعالجها بالشكل الأقرب إلى مجتمعنا، عشان تتصدق، وكنا منلاقي البديل المناسب لكل قضية، كي نُحافظ على الخطوات الدرامية لي تتبع القضية الموجودة في الأصل، لكن موضوع القضية كنا منحاول نقرّبوا اكتر للعالم بتاعنا بتفاصيله وملابساته".
وعلى سؤال التعامل مع محامين أو مُستشارين قانونيين أجاب وائل : "حسب كل قضية وحسب الإحتياجات منشوف الإستشارة القانونية ممكن ناخدها من فين، وخصوصاً في ما له علاقة بالإجراءات، نحنا معانا رخصة درامية، للتحرر من الشكل الرسمي لإجراءات التقاضي في مصر، لأنو في الآخر نحنا منعمل مسلسل بإيقاع سريع، وممكن القضية لي تاخد في الحلقات أسبوع .. تاخد في الحقيقة شهور".
تابع : "إحنا عندنا شوية تحرّر درامي برخصتنا الفنية من شكل الإجراءات أو ترتيب ومدة كل إجراء، لكن منبقى دائماً حريصين إن المسمّيات القانونية وطبيعة الأحكام تبقى مضبوطة، وأن لا يكون هناك شيء خارج عن المألوف، وهذا ما جعلنا نغير في تفاصيل وقضايا بين الأوريجينال الأمريكي والمسلسل بتاعنا، عشان تبقى منطقية أكثر بالنسبة لشكل القانون المصري".
قضايا مسلسل مفترق طرق مع هند صبري
بدوره، تحدث شريف بدرالدين لـ ET بالعربي عبر تسجيل صوتي وقال : "إحنا عندنا تفصيلتين كبار محتاجين نتكلم بيهم، الاولى لها علاقة بالنص الأصلي والتعامل معاه في النسخة الأصلية بتاعتنا، نحنا لا يعنينا من النصوص الأصلية غير الموضوع الإنساني المشترك لي عند كل الناس، هو دا أساس الإختيار لأي عمل بيتعمل Adaptation عليه".
تابع : "العناصر الاهم عندنا هي العناصر الإنسانية، ثم نرى كيف نتعامل مع كل تفاصيل البيئة التي سننقل من خلالها العمل من نسخته الأصلية للنسخة الخاصة في بيئتنا، وهذا ما حصل مع مفترق طرق، والتعامل مع Good Wife بدأ بالشكل دا، قضية لها علاقة بستّ، الموضوع بتاعها إنساني ممكن يحصل في أي بلد، بدليل إن العمل له نسخ أخرى في بلاد تانية مثل روسيا والهند وكوريا".
ثم شرح شريف وجهة نظره مع وائل قائلاً : "إحنا حنشوف خط سير حدوتة الستّ دي، فيما يتوافق مع القضية الأساسية ثم بقية الخطوط، لي بتغذي حياتها، أو الشخصيات لي حواليها، حنبدأ نتعامل معاها من الألف إلى الياء حسب معطيات البيئة عندنا".
وعن كيفية استكمال القضية بما يتناسب مع وجهة نظر الكتّاب، كشف شريف بعض الأمور المستقبلية في المسلسل قائلاً :"مستقبلاً المثلث لي هيحصل ما بين أميرة ويحيى وزوجها عمر حيبقى فيه شوية ألعاب، كما سيدخل عليه أيضاً جزء جومانة وهي بتلعب معاهم".
تابع : "في لعبة عن النص الأصلي وفي إختلاف، لأن طبيعة المشاعر في مجتمعنا على خلفية التربية والعادات والتقاليد بتبقى فيها شوية إختلاف، في شخصيات مُضافة زي شخصية بنت خالتها هنا، وهي شخصية لم تكن موجودة في النص الأصلي أبداً .. في الأولاد، الخطوط بتاعتهم الشخصية، أيضاً لم تكن موجودة في النص الأصلي .. فكرة إن هي بتنتقل على بيت حماتها عشان تعيش معاها دا ما كانش موجود أصلاً في النص الأصلي ومن الحلقة الأولى .. (في النص الأصلي بتتعرض للعثرة - بيحطوا الفلوس تحت الحراسة - بتاخد مكان صغير تعيش فيه هي وأولادها - وحماتها ممكن تيجي تشقّر على العيال في الوقت لي بتبقى غايبة فيه لغاية ما توصل البيت تتعشى معاهم وتمشي) .. هذا في ما يخص الإختلافات والإتفاقات، وعلى هذا المنوال تم التعامل مع أغلب القضايا في المسلسل، لأن كان فيه قضايا تليق تماماً بالمجتمع الاميركاني من الألف إلى الياء وما كانش وارد إننا نتعامل معاها زي ما هي، وفي حاجات كانت قابلة إن نحنا نتناقش فيها ونحوّرها أو نستبعدها ونستبدلها بشيء تاني، ودا لي حصل على مستوى الأدابتيشين".
وعلى مستوى الموضوع المثير للجدل في قضية الرقاصة قال : "من وجهة نظري الشخصية، أنا شايف إن البني آدم حرّ 100% في إختياراته، هو له مُطلق الحرية إن هو يعمل لي هو عايزه ..الرقاصة دي كانت ناوية تمشي شمال دا إختيارها، كانت ناوية إنها تبقى ستّ بتشتغل وبس كمان إختيارها".
تابع : "في قضية المسلسل، الستّ أُجبرت على فعل مش عايزاه، هل دا ينفي إن هي عليها علامات إستفهام من بعض الناس لي رافضين طبيعة الشغلانة دي من إن هي تدافع عن حقها ؟ .. أكيد لأ، بدليل أن إنت لو شلتي القضية دي كقضية شرف وحطيتي مكانها قضية سرقة، الست دي ممكن إنها تروح تتقدم ببلاغ لو تعرّضت للسرقة، طيب هي سرقة الأغراض زي سرقة الشرف، والحكاية في نفس المعنى، ولكن في خلط دايماً ما بين الشرف بالمهنة لي الناس بتشوفها على إنها فيها ابتذال أو فيها رخص".
ثم قال : "إحنا هنا في القضية دي منقول لأ، بغض النظر مكسب أو خسارة، يكفينا إن نحنا كمشاهدين اتحطينا في مكان هذه الست واحنا عارفين الحقيقة ومُدركين إنها بريئة، فالمشاهد ضمنياً بيدّيها Credit إنها ستّ شريفة، وقيسي على كدة كل القضايا الكبيرة الموجودة في المسلسل".
