بعد أيام من حادثة صفع محمد رمضان لشاب بالساحل الشمالي، ظهر رمضان في فيديو عبر حسابه الرسمي على إنستقرام، ووجه كلامه لجمهوره، و كتب "الإعتراف بالخطأ من شيم الكبار".
بدأ رمضان كلامه بشكره لجمهوره على مساندتهم له فقال "الجمهور العدل الأصيل الغالي ألف شكر، و ربنا ما يحرمنيش منكم على وقفتكم معايا و مساندتكم، و قريت و سمعت قد إيه دافعتم عني و قد إيه غلطتم الولد الصغير".
أيضاً شاهد في تقرير سابق.. هل يجتمع محمد رمضان مع هيفاء وهبي قريبا؟
وتابع "لكن الفيديو ده برده أنا عامله عشان أعترف بخطأي، و أعتذر لأهل الولد الصغير إن أنا إيدي اتمدت عليه و أنا عارف أنه عيل صغير، لأن هو لما غلط في الأول قلعته الكاب و بصيت في وشه لقيته عيل صغير، قلتله إسمك ايه يا حبيبي قاللي إسمي كذا، و سيبته و مشيت و هو إعترف بده".
و أكمل كلامه واصفاً ما حدث "لما رجع غلط تاني و لفيت قلتله هات التليفون خبا التليفون، ما تمالكتش نفسي و ضربته قلم بسيط، القلم البسيط ده طيرله الكاب اللي على راسه و النظاره اللي كان لابسها، و لو هنعتبر الناموسة اللي وقفت على خدي قلم، فـ أنا أستاهل من الناموسة دي 5، عشان أنا مديت إيدي على عيل صغير، و دي لا رجولة ولا بطولة و لكن أنا ما تمالكتش نفسي و هي دي الغلطة اللي أنا طالع أعتذر عنها"
و إختتم حديثة "لما أخدت تليفونه ى مسحت الفيديو حد قاللي إكسرله التليفون عشان ما يعملش كدة تاني، قلتله طب هو غلط.. أبوه و أمه دنبهم إيه يغرموا تمن تليفون تاني، خاصة لما عرفت إنه من قرية تانية إسمها اللوتس و جاي يتفسح في مراسي، قاتلهم روحوه، الأمن قاللي نعمله محضر عشان أصلاً دخل و هو مش من هنا، قلتلهم لا يروح بعد إذنكم".
يذكر أن آخر أعمال محمد رمضان أغنية مفيش كدة و أغنية بمزاجي، حيث طرحهما من أيام عبر المنصات المختلفة.
