بتصريحات صحفية لموقع القاهرة 24، ردت شيرين شيرين عبد الوهاب على تصريحات حسام حبيب لـ ET بالعربي.
بدأت شيرين حديثها رداً على حسام وتعليقه "انا سرقت ازاي كنت لابس طاقية الإخفا"، قائلة "أولاً انا ما اتهمتوش بسرقة خزنة، تاني حاجكةازاي هيبقى سارق مني خزنة و هبعتله مقابل 200 ألف دولار، و ازاي بيقول ان انا سرقت تحويلها البنكي و انا اصلاً اللي بعتاله الناس يعملوله حساب في البنك لأن ما كنش عنده ذمة مالية، عملتله حساب بالجنية المصري و حساب بالدولار عشان الفلوس اللي هياخدها مني يحطهم في الحساب ده".
وتابعت كلامها رداً على كلامه عن المستويات الاجتماعيّة، قائلة "الناس الشعبيين اللي من القلعة هما الجدعان، هما المتربيين اللي ما يقبلوش ست تصرف عليهم 6 سنين، و بشهادة كل الناس حتى رضوى الشربيني قالتها".
أيضاً شاهد في تقرير سابق.. شيرين عبدالوهاب تغرق في المشاكل من جديد
وعن طلب حسام من الناس أن يساعدوه و ينقذوه من شيرين، ردت قائلة "ما فيش راجل من ظهر راجل يقول كده للناس، الرجل بيعرف يدي ظهره و يمشي، مش يقعد يبوس الأيادي و يقول هموت من غيرك، و أظن الناس كلها شاهدة على الحلقة اللي عملها في رمضان، أنا كل مرة برجع عشان بلاقيه بيعيط و بيركع، كل مرة بيصعب عليا".
و تابعت كلامها "أنا انتهيت، ده كان واخدني زي الشمعة المنورة، ناجحة، جميلة عندي أغاني، ده انا بقالي 6 سنين مش عارفة أنزل أغنية من غيرته، ده أنا عملتله استوديو ما عمليش فيه ولا أغنية، و الحمد لله ربنا فرجها عليا و بعد ما سبنا بعض الأغاني نازلة كمان أيام".
"أنا شيرين عبد الوهاب مهري كان 25 قرش، أبقى أنا ست طماعة ولا ببص لفلوس" ..
وهكذا ردت شيرين على قول حسام "هي بتستغل قوتها و ان الناس بتحبها" : "الناس بتحبني عشان أنا حقيقية، و بطل بقى شكلك بقى وحش".
ثم تساءلت و استنكرت كلام حسام عنها إنها دائماً ما تتحدث في كل مشكلة قائلة "هو انا في المشكلة اللي فاتت في حد في الوطن العربي كله سمع صوتي ؟، بطل ظلم و بطل كذب على الناس، حرام عليك ده انت بتتكلم بإسم ربنا، انت دلوقتي بتاكل في لحمي، في لحم الست اللي كانت مراتك بس ببلاش، انت اللي قابض وانت ماشي".
فيما علق محمد عبد الوهاب شقيق شيرين على تصريحات حسام كاتباً عبر حسابه على فيسبوك " انت طالع تقول أنا متربي وعيلتي احسن ناس، ده انت امك اتطردت قدامك الساعة ٤ الفجر بعد ٣ ايام جت البيت عنهدها هي واختك عادي وكأن مفيش حاجة حصلت زيرو كرامه بالوراثة، وابوك أنا وانت اتفرجنا علي فضايحه مش عايز أفسر عشان الناس متقرفش اكتر ماهي قرفانه، عيلة ايه يا لوسي يا سبوبه انت فاكر الناس بتصدق الهبل ده طب ماتقول كده للناس العيلة دي بتصرف منين ولا أوريهم أنا بالصوت والصورة"
