ندوة بعنوان "تأثير العمل الدرامي على المجتمع" أقيمت اليوم على هامش مهرجان الجونة السينمائي في دورته السابعة، بحضور كل من يوسف الشريف ، نيللي كريم، وكريم الشناوي .
نيللي كريم: جهاز غسيل كلى لمستشفى بسبب سجن النسا
و خلال حديث لها أثناء الجلسة قالت "في أول الطريق كنت بدور على قصة حلوة، فيها عمق واللي بتتأثر بيها، ولازم عشان دا يحصل يكون ورا موضوع مهم وتلمس المشاعر، زي مثلا سجن النسا هي قصة بس من خلالها الناس اتعرفوا على قصة السيدات دي، واللي مش كل الناس اللس بتبقي في السجن كلهم مش حرامين ولا قتالين، لا في ناس ظروفهم صعبة، وبعد المسلسل دا الناس راحت اتبرعت وجابت جهاز غسيل كلي وحطوا في مستشفي القناطر".
وأضافت:"مسلسل تحت السيطرة كنت أول مرة أتعرف على الإدمان، والمسلسل دا اللي اختارني مش انا اختارته، والعمل دا نجح نجاح غير طبيعي، الناس كانت بتوققني في الشارع تحكيلي الأحداث".
وردا على سؤال، حول الاختلاف بين العمل الدرامي و السينمائي بالنسبة لها قالت: "مفيش اختلاف عندي بين الاتنين، المجهود واحد"، لافتة إلى أنه في الدراما بما اني في 30 حلقة أو 15 حلقة بهتم بأدوار الناس الثانية، ولا أعتقد أن هناك من استطاع أن يشيل الـ 30 حلقة لوحده، عشان كدا لازم كل الشخصية تكون ليها قصة وتكون بشكل حلو، وفي المسرح لما اشتغلت مع كريم عبد العزيز السنة دي اشترطت اني اعمل استعراض عشان دي كانت خلفيتي وبدايتي".
يوسف الشريف: يوسف شاهين السبب اني معملتش مسرح
يوسف الشريف علّق على فكرة قيام الممثل بما يحبه الجمهور، قائلا: "انك تدور على اللي الناس بتحبه وتعمله، دا غلط جدا، لازم يكون عندك فكرة تقدمها في الأعمال الفنية، وكنت مع كل عمل درامي ليا بدخل عامل ريسك، محدش بيعمل اللي النوعية اللي بعملها دي، احترام الجمهور يجي انك تعمل شغلك بمجهود كبير، شغلتنا كلّها بتيجي اننا نحكي حدوتة بس بشكلك وطريقتك، انا مينفعش اشيل الجمهور مسؤولية حاجة، لانه دائما على حق، وكل ما كانت الجودة عالية كل ما كانت المشاهدة أعلى".
وأضاف:"يوسف شاهين السبب اني معملتش مسرح، ولكن دلوقتي نفسي أعمل مسرح، والدراما مهمتك"، مضيفا: "أنا مختلف في جملة اني الأفلام بتعيش عن المسلسلات، لأنها كانت موجودة بسبب عدم قلة عرض المسلسلات، وأنا شايف دلوقتي الوضع اختلف، الأفلام بتحكي قصص في فترة زمنية معينة، والمسلسلات بتحكي القصة في فترات زمنية مختلفة، وانا عمري مانسيت السينما نهائي".
وأضاف: " المسلسلات هتعيش وفي العالم مؤخرا هتلاقي الناس كلها بتحب تتفرج على المسلسلات أكتر من الأفلام، وفي حاجات مينفعش تتعمل افلام، واحنا في اللحظة الحالية لازم نقتع اني المسلسلات هتعيش اكتر من الأفلام، والناس بتتفاعل مع الشخصية في العمل الدرامي اكتر من السينمائي".
وعاد يوسف إلى الوراء مع أول عمل قدمه قائلا:" أنا في بداية حياتي درست هندسة قسم ميكانيكا، وكنت بدور على حاجة ألاقي نفسي فيها، ووقت مسلسل رقم مجهول الناس قالت اي الفكرة يعني رقم غريب بيكلمك، وقولت استنى وراهنت على الجمهور، وفعلا السنة اللي بعدها الناس كانت بتطلب أعمال درامية زيه، هو كدا كل ماتقدم حاجة جديدة دائما بيبقي فيها تضارب، اي حاجة جديدة هتتعمل بطريقة كويسة هتنجح".
كريم الشناوي : الدراما مش سبب التحرش واحنا مش خبراء
المخرج كريم الشناوي حيث قال " احيانا بسبب الرياكشن تدريجيا بنتعامل مع نفسنا كخبراء ودا مش حقيقي في النهاية الفن مش معمول علشان يغير مش مطلوب في الاساس يغير لان الافكار بتبدأ من القضية ".
وتابع قائلا " انا مش شايف ان الدراما سبب التحرش انا شايف اننا بنرصد اللي حاصل وعلاقتنا بالجمهور طول الوقت عمالة تتغير"، مضيفا: "أنا مخرج بهتم بالحكاية وبدور على الأدوار ، اللي هيغير المجتمع مش مسلسل اللي هيغير المجتمع تعليم ودخل وحاجات كتير احنا طرف في منظومة كبيرة ، ومحاسب شاطر أهم جدا من مخرج خايف ".
وأضاف " احنا لازم نحترم حدودنا ايه ولازم نفكر ايه اللي انا هعمله وهقدمه للجمهور ، لازم ندرك اننا مش خبرا ".
