كلنا للوطن " كما يقول مطلع النشيد الوطني اللبناني عنوان حملة جديدة أعلنت عنها ماغي بو غصن اليوم عبر إكس، والتي تأتي في إطار مساعدة بلدها لبنان الذي يعيش حربا صعبة منذ فترة.
وفي التفاصيل، ذكرت ماغي من خلال تغريدة لها على إكس أن هناك الكثير من الناس بحاجة إلى دعم "الناس بالآلاف اليوم بحاجة دعمنا صار لازم نرجع نتحرّك كلنا سوا".
وتابعت: "صار لازم نعمل خطوة جديدة بحق الإنسانية.. كرمال هيك قررنا نتوحّد كلنا ونجمع كل المبادرات التي حصلت من أول الحرب بحملة وطنية على مستوى لبنان والعالم العربي بمبادرة #اتحاد_كلنا_للوطن شاركونا.. وتبرعوا هلأ من كل العالم عبر http://Wasilonline.com الخير بيرجعلنا.. ورح يرجعلكن أضعاف".
وختمت قائلة: " أملي فيكن كبير.. ايد وحدة سوا من هاللحظة منقدر نأمن حاجات الناس.. بتمنى من كل الزملاء والنجوم الأصدقاء يشاركونا بالحملة.. كلنا للبنان.. كلنا للوطن".
ماغي بو غصن ومبادرة إنسانية للنازحين : "منحبك يا لبنان"
وكانت ماغي أطلقت يوم الثلاثاء 1 أكتوبر مبادرةً إنسانية، دعت خلالها الجميع إلى التوجه إلى أقرب مركز أو مدرسة تضم لاجئين من الجنوب والبقاع ومن كل المناطق اللبنانية من أجل مساعدتهم على قدر المُستطاع.
كما قالت في المقطع : "المساعدة ممكن تكون مادية، أو مساعدة عينيّة، أو بسمة أو زيارة أو كلمة حلوة، بهيدا الوضع نحنا بحاجة إلها وأهلنا بحاجة إلها".
شاهد تقرير سابق : رحمة رياض تتحدى الظروف لتغني في لبنان
تابعت : "أنا اليوم موجودة بمركز ببيروت مع جمعية (حماية) لي ما وقّفت من أول يوم تكون موجودة عالأرض، لمساعدة الأطفال وأهلهم والمساعدة بكل حاجاتهم، عم نقضّي النهار، عم نلعب سوا عم نقضي وقت نقدر نطلّع هالولاد من الوضع لي هني فيه".
ثم ختمت رسالتها قائلة : "بدي إتشكركن سلف لأنو أنا بعرف أنو رح تساعدوا ورح تكونوا موجودين معنا، وما فينا نقول إلا ان شاء الله هالأزمة رح تقطع عالسريع، ومنحبك يا لبنان".
ماغي كتبت معلقةً على الفيديو : "كل حدا بيقدر ينزل على مركز أو مدرسة يزرع بسمة.. يقول كلمة حلوة.. او يقدم دعم مادي وعيني ما يقصّر 🤍".
