بمناسبة طرح فيلمها الجديد "الفستان الأبيض"، بدأت ياسمين رئيس حملة جديدة لدعم الفتيات بإهداء فستانها لإحدى الفتيات لتعيش به فرحة يوم زفافها .
وقالت ياسمين رئيس في فيديو شاركته عبر إنستغرام :"زي وردة في فيلم الفستان الأبيض، آحب أدي فستاني الأبيض لبنت عشان تفرح بيه زي ما أنا فرحت بيه يوم فرحي، وكمان هسلم الفستان بنفسي للفتاة جوا السينما".
وعلقت ياسمين رئيس على الفيديو، قائلة:"نفسي أدي فستاني الأبيض لبنت عشان تفرح بيه زي ما أنا فرحت بيه يوم فرحي، عشان كده احنا مع مؤسسة Share a Smile هنعمل حملة عشان نشارك بنات كتير فرحتهم، اكتبولي في التعليقات عشان هروح اسلم الفستان بنفسي في السينما لعروسة حلوة".
كما أنضمت أسماء جلال للحملة، وأعلنت تبرعها بفستان زفاف، عن طريق فيديو، قالت فيه:"قصة وردة من فيلم الفستان الأبيض مش بس قصة في فيلم، ده واقع بيواجهه كتير من البنات الغير مقتدرات اللي بيحلموا بليلة فرحهم وشكلهم بالفستان الأبيض، لكن ظروفهم الاقتصادية بتمنعهم من تحقيق أحلامهم".
وأضافت:"عشان كده أطلقنا حملة للتبرع بفساتين الزفاف لكل بنت محتاجة تفرح بليلة العمر بس ظروفها منعتها زي وردة وده بالتعاون مع مؤسسة Share A Smile اللي بتساعد مئات العرايس كل سنة في تجهيزات زواجهم ضمن حملات كتير لمساعدة الطبقات الغير مقتدرة، ودي فرصة لكل واحد فينا إنه يشارك في فرحة حد تاني".
