حالة من الدعم و حب الجمهور عاشتها سالي عبد السلام بعدما أعلنت أمس عبر حساباتها الرسمية على مواقع التواصل الإجتماعي عن فقد توأمها.
كما تواصل ET بالعربي مع سالي للإطمئنان عليها، فقالت " أنا بشكركم جدا أنكم كنتم عايزين تطمنوا عليا.. و على راسي.. انا ان انا الحمد لله يارب من المحبوبين شوية.. انا مش لاحقة ارد من امبارح على الـ calls و الـ messages حتى الـ comments ، فـ شكراً.. أنا ما كنتش عارفة إني محبوبة كدة بس الحمد لله".
و تابعت كلامها "الحمد لله.. قدر الله و ما شاء فعل.. حلم و ما اتحققش.. و ربنا يجبرني و يعوضني.. انا رضيت ان يبقى ليا ببيتين في الجنة.. و يا رب يكتبهملي و يا رب يبقوا خير.. الحمد لله".
كما تحدثت عن الرسالة التي وجهتها أمس عبر السوشيال ميديا فقالت "أنا كنت بوجه رسالة.. انه بطلوا تضغطوا على اللي حواليكم.. انتم ما تعرفوش الناس تعبانة قد ايه.. مش لازم كل شهر نسأل انتي حامل ولا لأ.. مش لازم حد أصلاً يتدخل في حياتنا و يعمل ان هو قريب او أهل.. لأن حتى الأهل معلش مع إحترامي لهم.. دي حاجة خصوصية.. معلش بعد إذنكم.. أنا شفت كتير و إضايقت كتير.. مع اني بعرف أرد كويس جداً بس أحياناً بيبقى الصمت هو الرد"
و عن كلامها للست الجدعة في رسالة أمس، علقت "الست الجدعة فعلاً ما حدش بيساعدها حتى اقرب الناس لها حتى لو بتسقّط بتبقى لوحدها.. بشكركم جدا.. و ادعولي كتبر أنا محتاجة الدعاء" .
