وسط أخبار عن وقف ميدو عادل عن العمل لمدة 4 أشهر، بعد اتهامه بالاعتداء على لقاء سويدان، تواصل ET بالعربي مع لقاء التي علّقت على هذه الأخبار.
فقالت في حديثها: “ده الورق اللي هو أحيل بناءً على الحاجات اللي فيه دي، دي الشؤون القانونية أحالتها للنيابة الإدارية، فـ أنا جزء من هذا الموضوع مش كله، والحكم مش كله على الواقعة بتاعتي بس، لكن أنا جزء من كل، الأوراق اللي عندك دي بتقول هو إيه الحاجات المحال ليها تاني، وطبعًا فيها الجزء اللي بيتكلم عن المشادة الكلامية والقلم اللي أنا عملته كـ رد فعل على اللي حصل.”
وتابعت "أنا المحامي بتاعي لسة ما استلمش الحكم مطبوع عشان نعرف ايه الحكم بالظبط ايه تفاصيله و ايه الاجراءات للكل، و لا تعليق ده قضاء اداري لا تعليق على أحكامه، اذا حسيت ان الحكم.. لسة ما شفتش.. فيه ظلم او مش ظلم، هعمل استئناف او لا، لسة اما يظهر الحكم مكتوب و المحامي بتاعي يستلمه".
في النهاية ، قالت "لازالت هناك محكمة اقتصادية ده بالنسبة للناس اللي عملت فيديوهات سب و قذف و اتهامات غير حقيقية ليا و فبركوا الفيديو اللي نزلوه بتاع الأطفال ده، كل دول أنا عملت بلاغات فيهم، و البلاغات دي اتحولت للنيابة، و النيابة حولتها محكمة اقتصادية و لسة لم يحدد معاد الجلسة".
