بطريقتها العفوية وبأداء تمثيلي لم يخلُ من المزاح، وجهت نادين نجيم مجموعة من الرسائل لأحد الأشخاص الذين يقومون بمحاربتها على السوشيال ميديا.
نادين نجيم في سكيتش تقليد لأحد محاربيها على سناب شات
وأمام متابعيها عبر سناب شات، قامت نادين بأداء تمثيلي لذلك الشخص، في بث مباشر ضمن جلسة ماكياج، وقالت : "ألو، تست تست، اشتريلي 5 آلاف حساب مزيّف وابعتلي ياهن عند نادين نجيم، بدي ياهن يكتبوا عنها بشعة متسلّقة فاشلة، ما تخلّو فيها كلمة، تناولوها 360 درجة ما تخلوا ولا درجة تزمط منكم اوك ".
تابعت : "هيك ببلش السكيتش، بيرن التلفون، تست تست ( لأنو حيّة)، شو مين، نادين نجيم ؟؟ عندها مسلسل ؟؟ اديش 30 حلقة ؟؟ العمى بقلبها عمي .. عرفتوا شو هي القصة ؟؟ كمان راجعة بقوة !! العمى بقلبها ما خلت شي ما عملتو ..".
تابعت : "كيف هيك انا ما عم إفهم، ما خلّيت شغلة أنا ما عملتها، حيّرتني هالمخلوقة، ما خليت عليها خبرية، بدي دمرلها الصورة تبعها، كيف عم تعمل مسلسل مش على أساس خلص".
كما لمّحت إلى الشخص المقصود بعبارة "استاذ" فقالت : "بس يا استاذ هي نادين نجيم اخدت بس عطلة كرمال الشغل هي ما بها شي"، لتُكمل بعدها تجسيدها للشخص الذي يقوم بمحاربتها : "لأ هي انتهت، خلصنا، كل شي عملتو وحكيتو هيك بسهولة ؟؟ ليكو بتحضروا حالكن بتراقبوا كل شغلة عم تصير، بتضل عينكم 10/10 على حساباتها، كل كومينت، اذا شفتوا أي حدا لو واحد على مليار قايل عنها بشعة دغري بتصوروها وبتبعتولي ياها".
