ضمن برنامج "أسرار النجوم"، حلّ كمال أبو رية ضيفًا مع إنجي علي وفتح قلبه للحديث عن أعماله في رمضان 2025، وخصوصًا مشاركته في مسلسل لام شمسية بدور القاضي الذي خطف قلوب الجمهور رغم ظهوره في حلقتين فقط.
كواليس مشهد جمعه بعلي البيلي في لام شمسية
وتوقف كمال عند كواليس مشاهده المؤثرة مع الطفل علي البيلي، قائلاً: "الشاب الجميل ده الرائع ده اللي هو الصغير ده علي.. علي علي.. ده ما شاء الله عليه، أنا متوقع له مستقبل عظيم"،
وتابع ضاحكًا: "قال لي يا انكل ممكن تشخط فيا عشان أتأثر.. قلت له يا حبيبي القاضي عمره ما هيعمل كده مع طفل! بس ما رضيتش أزعله، قلت له روح للمخرج كريم الشناوي وشوف رأيه، وكنت عارف إن كريم مش هيوافق".
ثم أكمل كمال حديثه بحكمة الأب والممثل القدير: "قلت له بص يا صاحبي.. إنت فنان عظيم، وإنت اللي لازم تعيش اللحظة بتاعتك، مش شرط اللي قدامك يعمل حاجة عشان تتأثر.. عيش موقفك".
تقرير سابق من ET بالعربي: صناع لام شمسية يحسمون جدل النهاية
"سيد الناس؟ النص ماكنش مكتوب أصلاً!"
وعن ظهوره كضيف شرف في مسلسل سيد الناس ، أوضح كمال أبو رية أن التجربة لم تكن كما توقع، قائلاً: "أنا بحب محمد سامي، والراجل بيحبني وبيقدرني كفنان، بس لما رحت لقيت النص بيتكتب على الهوا، وأنا مش عارف هعمل إيه!".
وأضاف بتلقائيته المعتادة: "الناس اللي حواليه مش كويسين خالص، وهو تايه وسطيهم، وبياخدوا قرارات كأنهم المساعدين بتوعه! وهو غلطان طبعًا في كده".
ورغم الانتقادات التي طالت المسلسل، كان لكمال وجهة نظر مختلفة: "أنا ما شفتش المسلسل كامل، بس عارف إن اتشاف. في ناس قالت إنه الأداء كان مبالغ فيه، وده فعلاً حصل مع ناس معينه، بس مش كلهم".
تقرير سابق من ET بالعربي: ما السبب الحقيقي وراء اعتزال محمد سامي الإخراج التلفزيوني
كمال أبو رية : "توم كروز.. ستايل لطيف بس مؤثر ضعيف.."
وفي لحظة صريحة من اللقاء، تحدث كمال عن أهمية دعم المواهب الشابة والرموز الفنية المحلية قائلاً: "الأمريكان طلعوا توم كروز بقى رمز لأمريكا، وهو توم كروز مؤثر ضعيف، بس ستايل كده لطيف وشكله قمر.. وإحنا؟ إحنا عندنا مواهب عظيمة بس بنسيبهم".
وأكمل بنبرة ناصحة: "لازم نبني نجومنا.. زي ما بيعملوا هناك، في وكالات بترعى النجم من وهو صغير، تخطط له وتبنيه، مش بس يودوه برامج وخلاص".
