ابنة ريتا حرب عن مشاركتها في “قسمة ونصيب: "ما عرفت حالي"

في حديث حصري مع ET بالعربي، كشفت ميشيل قصوف، ابنة ريتا حرب مقدمة برنامج "قسمة ونصيب" عن تجربتها المفاجئة في البرنامج ، والتي وُصفت بأنها غير متوقعة حتى بالنسبة لها، وقالت إنها خاضت التجربة بكل صدق رغم التردد والمخاوف في البداية.

ميشيل قصوف عن تجربتها في قسمة ونصيب: "كنت مترددة"

وقالت  ميشيل:"كنت كتير مترددة وعتلاني هم شو رح يكون رأي المشتركين والمشاهدين لما يحضروني؟"، لكنّ الأمور تغيرت تماماً بمجرد انطلاق التصوير"، مضيفة: "
انبسطت إنه أخدتها ستِب. لما فتت عالفيلا وصرت مع المشتركين والكاميرات بكل مكان، حسّيت حالي مرتاحة."

وتتابع ميشيل أنها فوجئت بنفسها خلال التجربة، إذ واجهت مواقف كشفت لها جوانب جديدة لم تكن مدركة لها من قبل:"حتى لما صرت أحضر حالي عالتلفزيون، حسّيت كأني عم بتعرّف على نفسي من أول وجديد. ما عرفت حالي بصراحة!".

ورغم تعلقها السريع بالبرنامج، إلا أن التفاعل على مواقع التواصل بعد أول حلقتين كان له تأثير واضح، بحسب ما صرّحت به: "كان جاي عبالي أضل، ما كان عبالي أطلع. بس بعد حلقتين، شفت شو صار عالسوشيال ميديا… ناس عم تنتقد، وفي أخد ورد كبير عالقصة. فقلت، إذا هيك بعد حلقتين بس، كيف لو بقيت لآخر الموسم؟ أكيد ما كانت رح تزبط."

ريتا حرب: "كنت بعرف إنو في ناس رح يقولوا تحيّز"

أما ريتا فكشفت من جهتها أن ابنتها لطالما أبدت اهتمامها بخوض تجربة مماثلة، وقالت:"ميشيل دايمًا بتعبّر قديش بتحب تعرف شو بيصير جوّا البرنامج، وعبالها تشترك فيه. هالموسم ما كانت معي من الأول، وقبل بيومين وصلت الفيلا وكانت محمسة تتعرف على المشتركين."

وأضافت ريتا:"اتفقت مع فريق العمل وفاجؤوني بالقرار إنه رح تدخل عالفيلا." لكن، وبسبب قواعد البرنامج، لم تستمر ميشيل حتى النهاية، إذ قالت ريتا في لحظة مغادرتها البرنامج: "بعرف إنه بعدين رح تطلعوا وتقولوا تحيّز وحطيت بنتي بالبرنامج… فـ سوري ماما، لو كنتِ حابة، وحسّيتك حابة، بس تعالي عالباب بالأول."