نشر عبد الجليل حسن، مدير أعمال كريم عبد العزيز، عبر حسابه الشخصي بوست طويل كشف فيه عن تعرض كريم لحملة للتشويش على فيلم المشروع X موضحًا أنها حملة منظّمة من "لجان إلكترونية" يقودها شخص معروف في الوسط.
وكتب عبد الجليل في منشوره:"الحملة الممنهجة اللي بتقوم بيها لجان أحد الأشخاص اللي بيعمل كل حاجة في الحياة لوحده، وشايف نفسه بيعرف يعمل كل حاجة من تأليف وإخراج وتمثيل... ضد النجم الكبير، حملة مكشوفة وفِيك أوي."
وأضاف موجهًا كلامه لهذا الشخص دون تسميته:"لو هتقارن نفسك بإيرادات النجم ده، يا ابني قدامك 100 سنة ضوئية علشان توصل له، والأفلام والمسلسلات اللي عملها تقعد تفكر فيها 100 سنة كمان علشان تنجح نفس نجاحاته."
وأكد عبد الجليل أن جماهيرية كريم عبد العزيز نابعة من حب الناس الحقيقي، وليس من "شغل اللجان والسوشيال المضروب"، على حد وصفه:"من أحبه ربه حبب فيه خلقه، والنجم ده ربنا بيحبه ومحبب فيه خلقه".
وختم منشوره بتحذير صريح قائلاً:"المره دي من غير أسماء، المرة الجاية بالأسماء وصفحات لجانك اللي طالقها ومريديك.. وإن عدتم عدنا."
جدير بالذكر أنه يعرض لكريم عبد العزيز فيلم "المشروع X"، الذي يشارك في بطولته بجانب ياسمين صبري، اياد نصار، عصام السقا، مصطفى غريب، أحمد غزي.
شاهد تقرير سابق: من أقنع طارق الشناوي من أبطال فيلم "المشروع X"
