شيرين عبد الوهاب تردّ لأول مرة على جدل حفلها الأخير في مهرجان موازين بالمغرب، والذي تصدر حديث السوشيال ميديا الأيام الماضية حول حالتها الصحية، وغنائها في بداية الحفل playback "البلاي باك".
قامت شيرين بمشاركة ستوريات على حسابها في إنستغرام من معجبين لها كانوا في قلب الحفل، ظهر فيه تفاعل الجمهور الكبير معاها، وغنائهم معاها بصوت واحد.
وكُتب على إحداها :"جمهور خيالي اكتر من 500 ألف متفرج، هذا دليل ان شيرين حاضرة ومكانتها كبيرة عند الشعب المغربي، نحبك شيرين".... والبعض اعتبر أن إعادة نشر شيرين لهذه الفيديوهات في هذا الوقت هو بمثابة رد منها على الجدل الحاصل.
في المقابل ردت أنغام على إتهامات تسببها بالهجوم الذي حدث على شيرين "كفاية ظلم"
في أول رد رسمي لأنغام على الإتهامات التي طالتها على وسائل التواصل الاجتماعي بأنها تقف وراء الهجوم الكبير على شيرين عبد الوهاب، على خلفية أزمتها في حفل مهرجان موازين بالمغرب، حيث تم اتهامها بأنها تُحرّض على حملات إلكترونية للإساءة لشيرين.
وجاء رد أنغام من خلال مداخلة هاتفية مع لميس الحديدي، عبر برنامج "كلمة أخيرة" حيث قالت أنغام:"أنا فعلا تعبانة وفي المستشفى ومكنتش حابة أعرف حد ومعرفتش حد نهائي، وهي حاجة طارئة حصلت يوم الأربعاء الفات واتنقلت إلى المستشفى، وحقيقي مكنتش حابة أبلغ حتى حد من عيلتي عشان مخصهمش، ومكنتش حابة أستقبل زيارات لأني تعبانة جدا ولا قادرة أشرح ولا قادرة أفهم، عشان أرتاح شوية، وكنت فاهمة داخلة يوم وأخد مسكنات وأخرج، لكن الأمر يتطلب وقت أكبر، والموضوع محتاج استشارات كتيرة واهتمامات".
واكملت أنغام وهي تبكي:"أنا على سريري في المستشفى أول ليلة، كنتي حاطة تليفوني جمبي عشان أرد على أولادي، ولقيت ناس بتبعتلي أن شيرين على المسرح وفي مشكلة. أنا مالي؟ اتشتم ليه؟! أنا عايزة أفهم، هي الناس مبقتش عندها ضمير؟ أي علاقتي باللي حصل مع شيرين في الحفلة؟ صدفت إني في المستشفى، ولو مش في المستشفى وكنت في البيت أو بشتغل برضو أنا مالي؟! دي مش أول مرة، أنا اتحملت كتير. طول الوقت تلقيح كلام، حتى منها شخصيًا، ولم أعلق نهائي، وزعلت بيني وبين نفسي وعذرتها كتير، وقافلة الموضوع تمامًا".
واختتمت أنغام رسالتها وهي متأثرة:"ومن النهاردة، أي شخص هيتمادى ويغلط أكتر من كده، هرفع قضايا. فعلًا، رفعت على شخص كتب عني على تويتر "مش هترحمي شيرين بقا يا أنغام" واتحبس. أنا مش هسكت تاني، أنا في حالة نفسية وحشة. كفاية قوي كده، كفاية كده عيب وحرام، والظلم ده كتير. كفاية حقد وكره، وسبوني في حالي. محدش له دعوة بالنوايا بتاعتي، أنا نيتي بتتحاسب عند ربنا، سبوني لربنا"."أنا عايزة الناس اللي بتحبني متحطنيش في مقارنة مع حد، ولا يقلل من حد عشاني، ده غلط. ده مبيكرمنيش، ده بيظلمني. وده طلبي من جمهوري، أنا أدعولي، ولو سمحتوا متحطونيش في موقف إني بزقكم، وده بيظلمني".
شاهد تقرير سابق: أزمة شيرين عبدالوهاب الصحية والنفسية لم تنتهي
