في فيديو جديد عبر قناتها على يوتيوب، فتحت حلا شيحة قلبها للناس، وحكت بصراحة نادرة عن أصعب لحظة عاشتها بعد خلع الحجاب وعودتها للفن، ووصفت المرحلة بأنها "انتكاسة" روحية ونفسية، مرّت فيها بصراع بين الخوف والإيمان، والضعف والقوة.
حلا شيحة: "كنت قريبة من ربنا.. بس خوفي من المستقبل عمل انتكاسة"
وقالت حلا: "لما الخوف بيتملك أي إنسان، حياته بتتلخبط والموازين بتتقلب، اللي كان شايفه عالي بينزل والعكس.. بيشوف كل حاجة من منظور الخوف مش من منظور الإيمان والجمال اللي ربنا خلقه جوانا".
وأشارت إلى أن الوقوع في الفتنة والضعف الإنساني لا يعني بالضرورة البُعد عن الله، قائلة: "الفتنة ممكن تصيب أي حد، والضعف مش معناه إن ربنا مش بيحبك.. بالعكس، ساعات الخوف هو اللي بيبعدك عن الطريق".
وأضافت حلا شيحة متأثرة: "أنا كنت قريبة جدًا من ربنا وبحبه، لكن لما زاد خوفي من المستقبل ومن مصير أولادي، حصلت الانتكاسة.. وكنت دايمًا بين السقوط والقيام، وكل مرة أقول: يا رب".
حديث حلا شيحة لاقى تفاعلًا واسعًا على مواقع التواصل، خاصة في ظل عودتها المتكررة للحديث عن رحلتها الروحية والتقلبات النفسية التي عاشتها في السنوات الأخيرة.
