بعد التكهنات وربط اسمها بأغنية البخت لويجز، تحدثت هدى المفتي وأوضحت تفاصيل ما حدث خلال ظهورها في برنامج صاحبة السعادة، ونفت تمامًا أن تكون الأغنية موجّهة لها.
وقالت: “ويجز فنان خطير وموهوب، بس أغنية البخت ملهاش علاقة بيا، وصحيت من النوم لقيت رسائل على إنستغرام وإكس!“.
هدى روت كواليس الموقف الذي فاجأها بعد انتشار الحديث، قائلة: “كنت نايمة وصحيت علشان عندي شغل، لقيت أكتر من 300 رسالة على تويتر! قلت لنفسي هو أنا عملت إيه؟! افتكرت إن الموضوع ليه علاقة بصاحبتي اللي كانت ضايع منها تليفونها وكان عليه صور شخصية.”
وأضافت: “بعدها سألت واحدة من صحابي، قالتلي في أغنية نازلة والناس بتقول إنها متغنية ليكي. دخلت أشوف اللي الناس كاتباه، ومكنتش حتى عايزة أسمع الأغنية بسبب الكلام. ومش عارفة ليه اتقال إنها ليا، هي أصلاً مفهاش اسمي.” وأكدت مرة أخرى: “بكرر للمرة التانية الأغنية مش ليا نهائي، وأنا وهو معارف بس، أصحاب قريبين مش أكتر.”
وفي نفس الحلقة، نفت هدى المفتي الشائعات التي تحدّثت عن ارتباطها أو خطوبتها مؤخرًا، قائلة: “أنا عارفة إنه طالع عليا إشاعة إني اتخطبت أو هتخطب، بس دي مش صحيحة تمامًا. لو اتخطبت هقول وأكيد مش هخبي، ونفرح كلنا مع بعض.” واختتمت حديثها بالتأكيد أنها حالياً تركّز على عملها فقط، ووصفت هذه المرحلة بأنها “حاسمة جدًا” في مسيرتها الفنية.
وعند سؤال إسعاد يونس: “بصتك دي بتقول إنك في قصة حب؟!” ردّت هدى مبتسمة: “لسه.. لو القصة كملت هيبقى في حاجة جد، لو مكملتش خلاص.”
