في حديثٍ خاص مع ET بالعربي، فتحت خبيرة الأبراج ماغي فرح قلبها لتكشف رأيها الصريح حول مهنة التوقعات التي انتشرت بشكل لافت في السنوات الأخيرة، خصوصاً على مواقع التواصل الاجتماعي.
ماغي فرح عن ترند التوقعات : “قول 20 شغلة بيزبطوا 5”
ماغي أوضحت أن هذه المهنة لا تعتمد على أسس علمية، بل على أسلوب مبالغ فيه قائم على تضخيم ما قد يصيب من توقعات، قائلة: “قول 20 شغلة بيزبط منهم 5، وبعدين قول أنا قلت هيك”، مشيرةً إلى أنها شخصياً قادرة على ذلك، لكنها لا تسمح لنفسها بالكذب أو تضليل الناس.
أضافت: “أنا بعرف شو عم يصير سياسياً، وبعرف مين ممكن يتعرض للخطر، بس هيدا من التحليل السياسي مش من الفلك، وما فيني إدّعي غير هيك لأنو بكون عم كذب على حالي وعلى الناس”.
“ما بيهموني.. هيدا تدجيل”
أما عن متابعتها للذين يقدّمون أنفسهم كأشخاص متنبّئين، فقالت : “لأ ما بيهموني، بيقولوا 100 شغلة وأوقات بيرجعوا بيسجلوهم بعدين. أنا ما إلي علاقة بهدول العالم، وما عم نافس حداً، لأنو بالنسبة إلي هيدا تدجيل”.
وعن سبب تهافت الإعلام عليهم، اعتبرت أن المسألة تجارية بحتة: “المشاهدات بتجيب إعلانات، وهيدي تجارة رخيصة، وأنا لو عندي مؤسسة إعلامية ما بخليهم يطلعوا عالشاشة، بس اليوم السوشيال ميديا أضرب وصار مين ما كان بيقول شو ما كان”.
توقعات الأشهر الأخيرة من 2025
ماغي تناولت أيضاً أبرز ما ينتظر العالم في ما تبقى من عام 2025، ولفتت إلى أنها كانت قد حذّرت من تغييرات كبرى هذه السنة: “أنا قلت هيدي سنة تغييرية، وكل يوم في تبدلات فلكية. بشهر يونيو/حزيران قلت بعد 7 الشهر في حرب، وفعلاً صارت الحرب بـ13 يونيو بين إيران وإسرائيل”.
أما عن الأبراج الأكثر حظاً في المرحلة المقبلة، فذكرت:
• السرطان والعذراء: الأكثر حظاً.
• الحوت: يتراجع قليلاً هذه الفترة، لكنه سيشهد انفراجات كبيرة في السنة المقبلة.
• الثور: يتجه نحو تغييرات إيجابية واضحة.
• العقرب: يعيش حالياً فترة جيدة جداً.
