لا يزال إسم إيناس الدغيدي يتصدر محركات البحث والترند في مصر والعالم العربي،وذلك بعد أيام على زواجها رسميًا بأجواء عائلية ووسط حضور عدد من أصدقائها النجوم من بينهم يسرا، حسين فهمي، إلهام شاهين، ليلى علوي، هاني رمزي وغيرهم.
إيناس الدغيدي وبعد حفل الزفاف وعقد القران ظهرت برفقة زوجها ليلة أمس السبت 11 أكتوبر 2025 في برنامج "الصورة" الذي تقدمه لميس الحديدي عبر شاشة قناة النهار المصرية.
إيناس الدغيدي ترد على منتقدي زواجها
وخلال الحلقة علقت إيناس على بعض الإنتقادات التي طالتها بسبب زواجها بعمر الـ 73 عاماً فقالت: "متغاظين ليه مع إن المفروض بدي طاقة إيجابية للناس والسوشيال ميديا بتكبر الأمور جوزي مش شاب ومش أصغر مني بـ 25 سنة وقدي في السن ومش من موسكو زي ما اتقال على السوشيال ميديا وأحب أقول للحاسدين متاكلوش رز ومكرونة أعملوا رياضة وخدوا بالكم من نفسكم أنا كنت لاعبة سلة لمدة 6 سنوات وكنت أعوم بشكل مستمر وأحب أقول للسيدات أعملوا مجهود".
أما عن رأى حبيبة ابنتها في الزواج فقالت: "مكانتش متخيلة أن ده يحصل وفي الأول اتخضت وقالت انت عرفاه كويس وهتروحي بلد تانية وتسبينا، وأحمد أول لما وصل مصر طلب يقابل حبيبة وزوجها وبعدها أصبحت تدعم فكرة الزواج".
بداية القصة: "الفنجان تنبأ بالزواج"
وعن بداية قصة زواجهما، فقالت أن أحد الأشخاص تنبأ لها بالزواج من شخص يدعى أحمد، وذلك بعدما قرأ لها فنجان من القهوة، وقال لها: "مين أحمد في حياتك؟" لترد عليه أنه لا يوجد غير أحمد شقيقها، فرد وقال: "هتقابلي واحد اسمه أحمد، عمرك ما شوفتيه، وهيكون في حياتك لآخر يوم فيها وبالفعل جه أحمد من أستراليا، وبعد فترة صديق مشترك بينا أنا واحمد، سأله في زيارة ليه، مين بيعجبك من الفن، قاله بتعجبني جدًا إيناس الدغيدي وعملي فيديو وبعتهولي وأنا طلبت رقمه وأرسلت له رسالة كي أشكره".
أما زوجها فقال عن لقائهم الأول: "الفنان الصديق المشترك بينا كان في سيدني، واتعشينا سوا ضمن لقاء مع رجال أعمال هناك وسألني بتتابع مصر أو نازل قريب قلت له آخر مرة كنت فيها أيام السادات تقريبًا سنة 1982، لكن أنا متابع جدًا لما يحدث في مصر، وقلت له من أشد المعجبين بإيناس الدغيدي، بصراحتها وجرأتها لأنها بتقول اللي الناس مؤمنة بيه بس بيخافوا يقولوه، رغم ان ناس كتير شايفينها جريئة وقوية، أنا شفتها طيبة جدًا، وما خفتش من قوتها".
وبخصوص حياته ما قبل إيناس الدغيدي فقال: "أنا كنت متجوز قبل كده وعندي أولاد وأحفاد صغيرين إحنا الاتنين أجداد واختارنا تاريخ الجواز يوم 10 أكتوبر لأنه نفس يوم ميلاد أول حفيدة ليا ولما حصل نصيب قولت ليه لأه آن الأوان".
