زينة تعيش واحدة من أكثر تجاربها التمثيلية صعوبة في مسلسل "ورد وشوكولاتة"، المقرر عرضه على منصة Yango Play في 30 أكتوبر، إذ تجسد شخصية مروة، المذيعة التلفزيونية التي تخوض علاقة عاطفية معقدة تدمر حياتها بالكامل.
زينة وصفت الدور بأنه مرهق نفسيًا وعصبيًا، قائلة: "هي مخلياني عايزة أخلصها بأي شكل، في عبء نفسي فظيع، بروح التصوير مش طايقة نفسي، المشهد الواحد فيه 500 مليون إحساس." وأضافت ممازحة: "ما عندكش واسطة تخلصني من الموضوع ده؟"
المسلسل مستوحى من قصة حقيقية، وهو ما يجعل جرعة الدراما فيه عالية جدًا، كما قالت زينة: "كلهم صعبين قوي، كلهم فيهم تمثيل قوي، وماندو كلمني وقال لي يلا عندنا شقة مروة، قلت له حرام عليك كفاية كده."
لكن شخصية مروة لا تُختصر في كونها مذيعة، بل في حياتها كامرأة تواجه انهيارات متتالية. توضح زينة: "المسلسل مش عن حياتها كمذيعة، عن حياتها كست، كأنثى. حياتها الشخصية فيها دراما حقيقية."
إلى جانبها، يقدّم محمد فراج شخصية صلاح، المحامي الذي يدخل حياتها ويقلبها رأسًا على عقب. يقول فراج: "صلاح مش المحامي اللي بنشوفه في المحكمة، هو شخص عنده power وعلاقات كتير، مش سهل أبدًا، لازم تخلي بالك منه."
العلاقة بين مروة وصلاح هي محور المسلسل، كما يوضح فراج: "هي علاقة بتبدأ بشكل وتمر بأشكال كتير لحد ما تنتهي بشكل مختلف… ومن هنا جه اسم ورد وشوكولاتة، هل فعلاً هتكون العلاقة ورد وشوكولاتة؟"
أما زينة، فحسمت رأيها بابتسامة: "أنا بحب الشوكولاتة أكتر، بس لا ورد ولا شوكولاتة بيمشوا معايا… أنا محتاجة حاجة تانية خالص!"
