في حديث لـ ET بالعربي، فتح مسلم قلبه متحدّثًا عن أزمته المستمرة مع نقابة المهن الموسيقية، مؤكّدًا أنه يتعرّض للظلم بعد قرار إيقافه عن العمل رغم إنهائه كل مشاكله القانونية مع الشركات المنتجة.
بداية أزمة مسلم و نقابة المهن الموسيقية
وأوضح مسلم أن مشكلته بدأت بعد تولّي مصطفى كامل رئاسة النقابة، وقال إنه دعمه في البداية، لكن ظهرت شكاوى لاحقًا من منتج سابق وشركة روتانا، التي كان على وشك طرح ألبوم معها قبل أن يتوقف بسبب أزمة صحية في القلب.
“أنا خلّصت كل مشاكلي القانونية، وكسبت قضايا فسخ العقود القديمة، ومعايا كل الأحكام والعقود الموقّعة من روتانا وسعيد إمام.”
مسلم ؤكد مروره بضغوط شخصية وصحية
وتابع:“اتصدمت لما لقيت قرار إيقافي بدون أي تحقيق. رحت النقابة بنفسي أحل الموضوع، اتفاجئت ببلاغ أمني كأني رايح أقتحم المكان، وأنا كل اللي عايزه أرجع أشتغل.”
وأضاف مسلم أنه يمرّ بظروف صعبة منذ صدور القرار: “أنا بعيل أسرة كبيرة، أمي وأولادي وزوجتي السابقة، وكمان عندي فرقة فيها أكتر من 40 شخص. كلنا واقفين من غير شغل.”
وكشف أنه ما زال يتلقى علاجًا لضعف في عضلة القلب، لكنه مصمم على العودة للغناء من جديد.
اتهامات مباشرة من مسلم لأحد أعضاء النقابة
وجّه مسلم اتهامًا لأحد أعضاء النقابة قائلاً: “في حد اسمه منصور هندي بيستهدفني… قالي بالحرف: خلاص مستقبلك اتدمر، وأنا ما عملتش فيه حاجة.”
وأكد أنه حصل على حكم قضائي يسمح له بالعودة للعمل، لكن القرار لم يُنفّذ حتى الآن.
محاولات مسلم مع مصطفى كامل
وقال “حاولت أكلم الأستاذ مصطفى كامل كذا مرة وما بيردش، بس أنا بحترمه وعمري ما غلطت فيه. كل اللي بطلبه يشوفني كابنه. لو غلطت، عاقبني… بس متحبسنيش وأنا عايز أشتغل.”
مسلم: نقابة مش عادلة
وفي أحدث ستوري له على إنستغرام، عبّر مسلم عن استيائه من النقابة، ملمحًا للحادثة التي حصلت منذ فترة مع راغب علامة و كيف أن النقابة لم تأحذ بجقه أي إجراء.
وقال:
“هما عادي ممكن يسيبوه حد يبوس واحدة على الاستيدج وبعد كده يفرشله الأرض ورد، وعادي يسيبوه حد يقول أحا في الأغاني، وعادي محدش بيتحاسب، وأنا اللي قاعد سنة بدون شغل بقيت غلطان.”
واختتم كلامه قائلاً: “الواحد لو ماكانش معاه سلطة بيدوسوا عليه. ربنا عادل وما ظلمش حد. #نقابة_مش_عادلة.”
