مايا دياب التقت ET بالعربي على هامش فعالية Splash Fashions في دبي، وكشفت بتفاصيلها الكاملة عن كواليس أغنيتها الجديدة، خطتها الموسيقية المقبلة، ومصير الديو المنتظر مع نجم عالمي.
مايا دياب تكشف لـ ET بالعربي تفاصيل حصرية عن أغنيتها الجديدة ومستجدات الديو العالمي
"أسمر يا شب المهيوب" تجديد من الحب والنجاح
عن إعادة تقديم أغنية "أسمر يا شب المهيوب"، تقول مايا: أنا لما جدّدتها جدّدتها من حب إلها، من حب النجاح الباهر اللي حققته، من حب الناس للأغنية وللست سميرة".
أغنية فبراير: "دبكة مش عادية" وإنتاج من تركيا
وحصرياً لـ ET بالعربي، تكشف مايا تفاصيل عملها الجديد المنتظر في فبراير: "حصرياً هي أغنية دبكة مش عادية، والجديد بهالأغنية إنو كلّها عملتها بتركيا فرام سكراتش". وعن طريقة الطرح، تحسم مايا الموعد: "بـ 8 الشهر رح تحضروها وتشوفوها وتسمعوها".
الديو العالمي: أكيد جاي
حول الديو مع نجم عالمي، توضح مايا أن التحضيرات ما زالت مستمرة: "قيد التحضير… هول القصص عادة بياخدوا شوية وقت، لأنو لما تكون عم تشتغل مع international people بيكون الشغل أصعب، وإيميلات رايحة وإيميلات جاية ورويالتيز… "بدّو وقت بس أكيد رح يكون موجود".
خطة 2026: تسجيل أغاني خلال شهر رمضان.. والطرح ألبوم أو سينغلز
وعن خطتها للعام المقبل، تكشف مايا "أنا بالـ 2026 عم بحضّر، من بعد غنيتي اللي عم تنزل، كل شهر رمضان رح كون عم سجّل أغاني، رح ينزلوا يا إمّا بألبوم كامل أو تباعاً كسينغلز طول السنة".
لقاء خاص مع إبراهيم تاتليسس.."كنز للأتراك"
وعن لقائها بـ إبراهيم تاتليس خلال الحفل الذي جمعهما هناك، عبّرت مايا عن إعجابها الكبير به قائلة: "رائع… هو إنسان رائع، إنسان محب وبيآمن بالناس الناجحين وبيحبهم، وأعطاني هيدا الفخر إني غني معه وشاركت المسرح وقعدنا سوا بالكواليس. إنسان بياخد العقل صراحة، هو كنز للأتراك".
وعن الأجواء خلف الكواليس وما إذا كان قد تغزّل بها، تضحك مايا وتقول" "قال لي قدّيه أنا حلوة وقدّيه حضوري حلو ع المسرح، وقدّيه بعمل جو حلو… بحب".
أما عن احتمال تكرار التعاون مستقبلاً، فتترك مايا الباب مفتوحاً: "في شي عم بحضّر… يمكن مش ديو مع الأستاذ الكبير إبراهيم تاتليس، بس رح تشوفونا سوا، لأنو هالحفلة قد ما نجحت بتركيا عم يطلبونا سوا على غير حفلات".
