نانسي عجرم تحضر دائماً في أحاديث النجوم، واسمها يتكرر في اللقاءات التلفزيونية، وهو ما علّقت عليه حصرياً لـ ET بالعربي من على متن "ستارز أون بورد"، واضعة النقاط على الحروف بشأن الشائعات التي لاحقتها، وسبب بيانها الأخير الذي توعّد بالملاحقة القضائية.
نانسي عجرم ترد حصرياً عبر ET بالعربي عن الشائعات التي لاحقتها مؤخراً وسبب ردها ببيان يتوعد بالملاحقة القضائية
"ما عندي مشاكل مع حدا.. وما حدا بياخذ مطرح حدا"
عن تكرار اسمها في مقابلات الفنانين، قالت نانسي بصراحة: "الحمد لله بحبوني يعني ما عندي ما عندي انا مشاكل مع حدا وماني من النوع يلي بفبرك مشاكل او بفتعل شيء او بجيب سيرة حدا لانه بحس انه كل انسان عنده جمهوره وعنده ستيله. وكل انسان عنده نصيبه بهالدنيا وما حدا رح ياخذ محل حدا وكل حدا عنده حاله وكيانه وجمهوره. واكيد ما حدا بياخذ مطرح حدا كمان لانه شو بتزرع بتحصد بالاغاني وبالاعمال ومع الجمهور."
"ليش ما اخذوهم ونجحوا فيهم؟"
وعن نجاح أغانيها وتحقيقها الـ Hits، ردّت على من يتحسّر على أغنيات أدّتها ونجحت بها قائلة: "انه ليش ما اخذوهم ونجحوا فيهم؟ ما حسوا فيهم يمكن او ما عجبوهم. ما هو الانسان كمان بده يعرف يختار و وينقي اغاني يكون هيك حاسسها قبل بوقت انه هي hits".
"أنا اكثر حدا بيطلع عليه شائعة"
الشائعات لا تفارق نانسي، بين أخبار طلاق وفبركات متكررة، وهو ما علّقت عليه بوضوح: "مضبوط هول الشائعات.. انا اكثر حدا على فكره بيطلع عليه شائعات شو بدي اعمل".
وعندما سُئلت عن بيانها الأخير، ولماذا اختارت هذه المرة الرد بعد سياسة الصمت، أوضحت: "بصمت بصمت بس بالاخر بتصير القصه بتتخن كثير. بقى بدها انه بجاوب الجواب اللي لازم اجاوبه. لانه كثير اشياء مثل هلا اخر قصه تبع الماسونية يعني ما صحيحه ولا فيها شيء من الصحيح ولا اساسا بفكرنا موضوع ولا شيء."
"لا بد من الرد"
أما عن كيفية متابعتها لما يُنشر، وهل تقرأ بنفسها أم يبلغها فريق العمل، فأجابت: "فريق العمل اول شيء اكيد. أنا ما بهتم لهول الامور بس بحس انه الفانز عم بقولولي وفريق العمل كمان عمقولي انه لازم نرد.. بفوت بقرا بقول انه لا لازم رد لانه اوقات بتصير القصه فوق عن ما لازم وبيتعدوا حدودهم فلا بد من الرد."
