مع النجاح الكبير لمسلسل ‘وننسى اللي كان’ الذي تشارك به ياسمين عبد العزيز في السباق الرمضاني، تفاعل الجمهور بقوة مع قصة المسلسل وأحداثه، والأدوار التي تقدمها ياسمين وكريم فهمي، حتى أن بعض المتابعين شبّهوا المسلسل بحياة ياسمين، معتبرين أنه يعكس جزءاً من حياتها أو تجربتها الشخصية، ومنهم من ذكر أنه عن حياة شيرين عبد الوهاب”.
أما عمرو محمود ياسين مؤلف المسلسل فرد على هذا الكلام عبر ET بالعربي و قال: "انا مش مصدق خيال الناس يعني انا ساعات الموضوع على قد ما هو بيبسطني ان الناس منشغله ان هم يفسروا المسلسل بس ساعات بستغرب هم ازاي مخهم راح في الحته دي، يعني ازاي متخيلين مثلا ان احنا بنكتب قصه ياسمين عبد العزيز يعني ياسمين عبد العزيز بتعمل ياسمين عبد العزيز ده مش معقول التفكير يعني حاجه تكاد تكون يعني مش عايز بس والله عشان نحترم الناس"
و أضاف كريم فهمي على كلام عمرو و قال "ياسمين عبد العزيز ما عندهاش بودي جارد"
و أكمل عمرو كلامه "اه مثلا يعني مثلا لا وده بيوزعوا الادوار بيقول لك كريم بيلعب دور كذا ومش عارف مين بيلعب دور كذا حاجه بتضحك دي حاجه بتضحكني جدا انا طبعا الموضوع مالوش ادنى علاقه بحياه ياسمين ولا حياه اي فنانه بعينها بقدر ما هو اطلاله كده على حياه الفنانه اللي بتعمل بمجال زي التمثيل وعندها مستوى عالي من الشهره ".
و قال إن جليلة ستتشابه حياتها مع الكثير من الفنانات "هتلاقي دايما المشاكل اللي بتتعرض ليها النموذج ده متشابهه يعني في لحظات كتيره جدا فهي مره هتلاقيها شبه فلانه مره هتلاقيها شبه فلانه لكن هي في الاخر هي جليله رسلان هي مش حد بعينه من الفنانات".
ثم قال "وبعدين بس تعليقا على كلام كريم في حكايه احنا اهم حاجه ان احنا بنعمل جديد بـ كريم هوده المهم انا ممكن اكون مثلا السنه اللي فاتت يعمل مهندس والسنه الجايه يعمل مهندس والسنه اللي بعديه يعمل مهندس نوع كل سنه بقى نهندس فلا الاهم ان احنا بنحاول نتنوع السنه دي ونعمل حاجه بره المعتاد لان التكرار في المعتاد مش الطف شيء".
يذكر أن مسلسل وننسى اللي كان من بطولة ياسمين عبد العزيز وكريم فهمي وشيرين رضا وخالد سرحان ومنة فضالي ومحمود ياسين جونيور ومحمد لطفي ومحمود حافظ وإيهاب فهمي، و من تأليف عمرو محمود ياسين وإخراج محمد الخبيري.
