وقع دياب ضحية الحلقة 12 من برنامج رامز ليفل الوحش، و في تقديم رامز له قال عنه "نجم بدأ حياته كمطرب فى عالم الاغاني، فضل كتير يقاسي ويعاني، داق النجاح فى اغنية واحده، لكن ماشافوش تاني، قالك انا هاقعد فى البيت ايدي على خدي، واقول اه ياني. ومن ساعتها بدأت رحلته مع الدراما، من محمد سامي لـ مي عز الدين، و اتحسب علينا من الممثلين، ايه يا جماعة هو التمثيل ده مفهوش كبار، مالوش معلمين، مش كل واحد عمل له مشهدين يتنجم و يطلب ملايين، انا جايبه انهارده اوريه شغل الجنان، معانا و معاكم دياب".
بدأ البرنامج و كأنه برنامج ترفيهي بـ إسم "الرحلة" و تقدمه ألين وطفة، و شاركت كنزي مدبولي المقلب مع دياب بكل مراحله المتتالية.
و خلال الحلقة سأل رامز دياب عدة أسئلة: "مين الممثلة اللي اشتغلت معاها و مستحيل تشتغل معها تاني" فـ رد "غادة عبد الرازق"، بعدها سأله "بيقولوا ان مصطفى غريب بيقول على ايفيهاتك انها تقيلة" فقال دياب "حقه ماهو بيضحك أحسن مني"، و آخر سؤال كان "لو بتعمل فيلم بطولتك تختار مي عز الدين ولا مي عمر ولا مي كساب" فـ أجاب دياب "منى زكي".
و في مرحلة الغسالة بدأ دياب يدوخ و يقول "مش قادر مش شايف قدامي.. طلعني من هنا"، حتى في المراحل التالية ظل دياب يستغيث و يطلب الخروج من اللعبة، حتى ظهر له رامز في نهاية ليفل الوحش.
و في نهاية الحلقة قال دياب "كل الحاجات اللي حصلتلي عندي فوبيا منها، أنا بعد كدة مش هعمل أدوار شر انا هطلع في أدوار أم".
و تفاعل المتابعون مع الحلقة و كتبوا عبر منصة X "من اجمل الاصوات وياريت يستمر في الغناء ومن افضل الممثلين"، و كتبت أخرى "رامز جلال حرام عليك دياب تعب جامد"، و جاء تعليق آخر "حلقه رامز النهارده جامده اوي".
قصة برنامج رامز ليفل الوحش
تدور فكرة المقلب في إطار 6 غرف مختلفة، تحتوي كل غرفة على مقلب معين يدخل فيه الضيف بصحبة أحد البلوجرز المتفق معهم على تنفيذ المقلب، باستثناء الغرفة الأخيرة التي يدخلها الضحية بمفرده، ليظهر له رامز جلال في نهاية المقلب.
ضيوف ومواعيد عرض برنامج رامز ليفل الوحش
يُعرض برنامج رامز جلال يوميًا بعد أذان المغرب مباشرة عبر قناة MBC مصر. ووقع ضحية المقلب هذا العام كل من:
غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، وأحمد مصطفى زيزو، وغيرهم من الضيوف.
