ماغي بو غصن تشارك جمهور ET بالعربي تفاصيل حصرية من كواليس تصوير مسلسل بالحرام، مؤكدة أن التشويق وكسر التوقعات عنصران مقصودان في العمل، وأن ما يراه المشاهد على الشاشة ليس سوى جزء من لعبة مدروسة بدقة.
ماغي بو غصن تكشف لـ ET بالعربي تفاصيل التشويق في مسلسل بالحرام
"هيدي أجوائنا بالكواليس"
وخلال لقائها مع ندى عقيقي، علّقت ماغي على تفاعل الجمهور مع فيديوهات الكواليس التي تظهر أجواء من الضحك والمزاح، رغم قسوة المشاهد في الحلقات، وقالت: "بس نزل شيء من الكواليس عم نضحك وعم نمزح وهيك في ناس بيقولوا لي بيكتبوا لي عم تستفزونا نحن عم نبكي وعم نتحذر وانتم عم تضحكوا. ايه هيدي أجوائنا بالكواليس صراحة قد ما يكون هيك السينز (المشاهد) صعبين نحن هيك من تنقدر نتعايش مع الوضع".
"ما منلعب مع الجمهور.. منلعب عالجمهور"
وعن حالة التوتر التي يعيشها المشاهد مع كل حلقة، ردّت على سؤال “شو عم تعملي فينا؟” بالقول: "كثير يعني حتى أنا في أشياء أنا مصورتها بنصدم فيها بالأحداث لأنه أحداث حلوة في ساسبنس (suspense) وبدك تتحذري. في شريحة كثير كبيرة من الناس بتحب هيدا النوع يضلهم عم يتحذروا. هيدا ستيل مسلسلاتنا يعني ما بنكب كل القصة من الأول وانت ناطرة الممثلين. ما منلعب مع الجمهور منلعب على الجمهور يعني في توقع بتلاقي خلصت حلقة لا غير التوقع لا مش هيك لا مش هيك. انا بحب احضر هيدا النوع من المسلسلات".
"الشرير ما بيلبس ماسك بشع"
وعن حيرة الجمهور تجاه الشخصيات، وما إذا كانت إنسانية أو تقف خلف كل ما يحدث، شددت ماغي على أن هذا الالتباس مقصود، قائلة: "هيدا الشيء كثير مقصود لانو كلنا منعرف انو الشخص الشرير ما بيلبس ماسك بشع و بيجي بقلك انا شرير. بيبقى لذيذ وبتحسي طيب وأوقات بكون صديق - مفكرة انو صديق - او حدا من عايلتك ومن قرايبك. فبتنصدمي انو طلع هيك. متل شخصيات المسلسل. فانت بتحتاري هيدا منيح اه لا حسيتو هنا منيح لا هيقتو هو شرير. هيدا مقصود لأنو أشخاص متل حياتنا متل الناس يلي موجودة بحياتنا. هيدا مقصود بالمسلسل".
جود و مالك.. "هو دب يمكن يتحول لدبدوب"
أما عن العلاقة التي ينتظرها الجمهور بين جود ومالك، فقالت باختصار يحمل الكثير من الدلالات:"هي في قصة حب بس هو دب يمكن يتحول لدبدوب".
