وقعت دنيا سامي ضحية الحلقة 27 من برنامج رامز ليفل الوحش، وفي تقديم رامز لها قال عنها: "البنت اللي جاية لنا النهاردة دي حققت المعادلة الصعبة، وعارفة إن الكوميديا مش لعبة. بدأت من حواري الدرب الأحمر، وكان حلمها تبقى آلاتية، شافها حد بيفهم وقالها سيبك من التطبيل واتجهي للتمثيل. البنت سمعت الكلام واتجهت للتمثيل بسرعة، وحياتها استقرت وبقت تمام، ونقلت للمعادي بعد ما كانت ساكنة في حارة، ونسيت أيام التوك توك واشترت سيارة. يعني باختصار ذاقت طعم الفلوس".
وتابع: " وده اللي خلاني أجيبها هنا مخصوص عشان أنصحها وأقولها ما تحرقيش نفسك وما تقبليش أي دور وخلاص، وإياكي تفقدي حب الناس. معانا ومعاكم الكوميديانة الصاعدة بسرعة الصاروخ، اللي بعد شوية هتتشقلب وتدوخ، دنيا سامي".
بدأ البرنامج وكأنه برنامج ترفيهي باسم "الرحلة" تقدمه ألين واطفة، وشارك محمود السيسي المقلب مع دنيا في جميع مراحله.
في بداية الحلقة، نجحت دنيا في الإمساك بالفراخ، ثم سألها رامز عدة أسئلة، منها: "مين فتى أحلامك من الوسط الفني؟" فقالت: "مش في دماغي حد". كما سألها: "مين الممثلة اللي مستحيل تشتغلي معاها أبدًا؟" فأجابت: "زبيدة ثروت". وكان آخر سؤال: "إنتِ زعلتي من مصطفى غريب لما قال عليكِ مش حلوة؟" فردّت: "أنا أصلًا حلوة جدًا، هو ده كلام!".
ولم تنجح دنيا في وضع النرد في مرحلة الخلاط، وترددت قبل التعامل مع الكهرباء، ثم أخذت تصرخ في مرحلة الغابة وتمسكت بمحمود السيسي حتى فتح الباب للانتقال إلى مرحلة "ليفل الوحش"، التي استمرت فيها بالصراخ قائلة: "خلاص هغرق"، حيث واجهت صعوبة في التنفس.
وتفاعل المتابعون مع الحلقة أثناء عرضها، فكتب أحدهم: "يا رامز يا جلال الكراش لأ"، وعلّقت أخرى: "دنيا: بحب الملاهي.. رامز: حلو إنتِ داخلة أحلى ملاهي".
قصة برنامج رامز ليفل الوحش
تدور فكرة المقلب في إطار 6 غرف مختلفة، تحتوي كل غرفة على مقلب معين يدخل فيه الضيف بصحبة أحد البلوجرز المتفق معهم على تنفيذ المقلب، باستثناء الغرفة الأخيرة التي يدخلها الضحية بمفرده، ليظهر له رامز جلال في نهاية المقلب.
ضيوف ومواعيد عرض برنامج رامز ليفل الوحش
يُعرض برنامج رامز جلال يوميًا بعد أذان المغرب مباشرة عبر قناة MBC مصر. ووقع ضحية المقلب هذا العام كل من:
غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، وأحمد مصطفى زيزو، وغيرهم من الضيوف.
