في يوم ميلاده، تلقّى عادل إمام رسائل معايدة من عدد من نجوم الفن في العالم العربي، عبّروا من خلالها عن تقديرهم لمسيرته الفنية الطويلة وتأثيره الكبير في السينما والدراما العربية، وجاءت هذه الرسائل عبر ET بالعربي، في مناسبة شهدت تفاعلًا من نجوم من أجيال مختلفة عبّروا عن تقديرهم لرجل شكّل علامة فارقة في تاريخ الفن العربي، وما زال حضوره حاضرًا رغم تغيّر الزمن.
في يوم ميلاده.. رسائل نجوم الفن لعادل إمام عبر ET بالعربي
فقد عبّر أحمد العوضي عن ارتباطه بأعماله منذ الطفولة، قائلاً: "كل سنه وهو طيب وهو الزعيم واحنا كلنا اتربنا على افلامه وربنا يديله طوله العمر".
ياسر جلال، فشدّد على مكانته الراسخة في تاريخ الفن، متمنيًا له الصحة وطول العمر: "كل سنه وهو طيب وربنا يديله العمر والصحه وقبال 120 سنه وهو الزعيم وهيفضل الزعيم ربنا يدي له الصحه والعافيه وطوله طول العمر".
من جهتها، وجدت رزان جمال في المناسبة فرصة لتوجيه تحية شخصية مليئة بالمحبّة: "لجند عادل امام يعني من بس بحب اوجه له تحيه كبيره وقول له هابي بيرث من كل قلبي".
تأثير عادل إمام يتجاوز الحدود
بينما ركّز محمد دياب على البُعد لتأثير عادل إمام خارج بلده مصر، معتبرًا أن صورة الفنان المصري في الخارج كثيرًا ما ارتبطت بابتسامة عادل إمام التي عرّفت الجمهور العربي على صورة إيجابية ومحبّبة للفن المصري: "يا استاذنا يلي رافع راسنا يلي ما بنروح بلد عربي الا لما الناس بتعملنا كويس بسبب اتسامتك استاذ عادل بنحبك ونفضل نحبك على طول".
كما أشار علي قاسم إلى تمنياته البسيطة له بالصحة، في حين استعاد المخرج خيري بشارة ذاكرة طويلة من التعاون والصداقة، مؤكدًا على “العِشرة الجميلة” التي تجمعه بالزعيم منذ سنوات: "عادل امام بحبك يعني في بينا عشره جميله في الايام الخوالي بحبك وعقبال 100 سنة".
بدورها، سماح أنور وصفت عادل إمام بأنه “حبيب الجميع وزعيمهم"، قائلة: "عيد ميلادنا كلنا ده الاله وده الحيله زي ما بيقولوا وده زعمنا وحبيبنا وربنا يدي له الصحه ويعني يخليه دايما كده انبساط وسعاده ونور وسلام طول الوقت يا رب".
في حين حرص حسن أبو الروس على الإشارة إلى تأثيره في صناعة البهجة والضحك لدى الجمهور العربي: "زعيم عادل الامام اتمنى له الصحه والسعاده زي ما اسعدنا والضحك زي ما بيضحكنا كل سنه وانت طيب".
حضور ممتد لعادل إمام في ذاكرة الفن العربي
أما كارولين عزمي، فعبّرت عن فخرها بوجوده الدائم كرمز حاضر في ذاكرة الفن: "يا زعيم مصر وكل سنه وانت دايما في وسطنا ومفرحنا".
بينما لخّص كامل الباشا المشهد باعتبار أن عادل إمام لم يقتصر تأثيره على مصر فقط، بل امتد إلى العالم العربي بأكمله، قائلاً: "انت مش بس عظيم انت اسعدتنا على امتداد الوطن العربي والعالم ربنا يديك الصحه افضل سعداء بوجودك معانا".
وفي استمرارٍ لرسائل المعايدة التي تلقّاها عادل إمام عبر ET بالعربي بمناسبة عيد ميلاده، وجّه المزيد من النجوم كلمات خاصة عبّروا فيها عن محبتهم الكبيرة للزعيم، واستعادوا من خلالها أثره وحضوره في حياتهم الفنية والشخصية.
عمرو يوسف: "كل سنه والزعيم بخير وفي صحه وسعادة وزعيم الفن اللي اتعلمنا منه كتير واللي انبسطنا من شغله كتير واللي حبيناه واللي اتربينا على شغله يعني اسطوره حقيقيه عايشه وسطينا ربنا يدي له الصحه بهني الزعيم عادل امام بعيد ميلاده ويا رب دايما دايما في احسن حال".
كندة علوش: "كل سنه والزعيم الاستاذ الكبير عادل امام بالف صحه وخير ربنا يخليه يا رب لاسرته الصغيره ولاسرته الكبيره اللي هي احنا وكل جمهور اللي بيعشقه واللي بيحبه صانع البهجه وخفه الدم صاحب اعظم الافلام التاريخ الطويل من الافلام العظيمه اللي هي صنعت ذاكرتنا وصنعت وجداننا ربنا يخليه ويحفظه ويخليه لنا وكل سنه وهو طيب يا رب".
سمية الخشاب من جهتها، قالت: "كل سنه والزعيم النجم الكبير نجم العالم العربي والعالم كله النجم عادل امام حبيب كل الناس ربنا يخليك لينا يا رب ويطول في عمرك وسنه جديده سعيده عليك وعلى كل اسرتك يا رب وكل سنه وانت طيب".
حمادة هلال: "استاذ عادل الامام كل سنه وحضرتك طيب ربنا يبارك في صحتك ويبارك لك في اولادك واحفادك ويخليك لينا وكل جمهورك اللي بيحبك في كل الوطن العربي تحيه جميله للاستاذ الكبير الزعيم عادل امام".
صلاح عبدالله: "كل سنه وانت استاذنا وصاحبنا وحبيبنا كل سنه وانت نجم نجوم جيلنا وكل الاجيال اللي جت بعدنا وكل الاجيال اللي هتيجي بعده وكل سنه وانت عادل امام".
وفاء عامر قالت: "كل سنه والزعيم بالف خير ربنا يدي له الصحه وطوله العمر ان شاء الله".
حنان مطاوع قالت: "كل سنه وحضرتك طيب كل سنه وحضرتك جزء كبير جدا من ذكرياتنا وجزء كبير من حبنا للفن يا رب دايما طوله العمر لحضرتك والصحه والسعاده وراحه البال وحتى لو كان قرار ابتعادك عننا قاسي جدا علينا الا ان احنا دايما بنتمنى لك ان انت دايما تبقى عايش في هدوء وفرح وسعاده على قد ما اسعدتنا كلنا ربنا يبارك في عمرك ويدي حضرتك الصحه".
ميمي جمال قالت: "كل سنه وانت طيب يا زعيم التمثيل يا ملك السينما يا ملك الفيديو انت ربنا يدي لك الصحه ويديلك طول العمر عشان أي فنان له بديل انت مالكش بديل انت ربنا حط من عنده كده عندك كاريزما معينه وعندك اداء وعندك طريقه وعندك صوت ربنا يدي لك الصحه ويدي لك كل حاجه حلوه في حياتك يا رب بتمنىها لك من قلبي ويا رب يا رب السنه الجايه اكتب لك نفس الكلام واقول لك نفس الكلام واعايد عليك برده عشان تفضل طول عمرك في وسطنا على تاج راسنا".
رانيا فريد شوقي: "كل سنه والفنان الكبير الزعيم عادل امام طيب وعقبال مليون سنه ويا رب يمتعه بالصحه ويتمتع مع اولاده واحفاده زي ما امتعنا سنين كتير قوي يا رب دايما بخير وكل سنه وهو بالف خير وطيب وربنا يخليه لينا وللفن المصري والعربي".
عفاف شعيب: "انا بهنئ الزعيم عادل امام بعيد ميلاده وعبال يا رب 100 عام بصحه وعافيه ودايما تبقى منور حياتنا ومنور الشاشه الكبيره والشاشه الصغيره مع العلم احنا مفتقدينك مفتقدين اعمالك الحلوه والضحكه الحلوه ربنا يديم عليك الصحه والعافيه وترجع لنا ثاني عشان البسمه ترجع والضحكه الحلوه ترجع ان شاء الله تحياتي ليك وكل سنه وانت طيب وعقبال 100 سنه يا راجل يا طيب".
جمال العدل: "يا حبيبي يا نجم النجوم يا استاذ الاساتذه يا نجم لن يتكرر كبير الشغلانه يا ممثل في تاريخ التمثيل المصري والعربي يا نجم في الموضوع كل سنه وانت طيب وبصحه وسعادة مبسوطين وانت معانا دايما عادل امام واحد بس ربنا يديله الصحه والعافيه ويا رب دايما منور حياته".
